英國升學心得- Southampton Computer Science G400 | 究竟讀啲咩?出路如何?

多謝有心人投稿🤩🤩 終於有computer science嘅分享!我記得你地之前都有人request過話想睇嘅😆 讀啲咩? 呢個課程係accredited by British Computer Society (BCS) and the Institution of Engineering and Technology (IET) 嘅。主要係讀programming同數學+ theory。次要就有hardware, systems, database同security。再次要有law, management同ethics... 課程結構 一年兩個學期,一個學期讀4科,每科15 cred (120 cred 一年)。 第一年要全pass,同埋冇得揀科。Fail咗嘅話就要retake嗰科,retake都衰就要重讀Year 1。 第二年有2/3科自選,唔一定要pass哂可以拉cred,但係唔可以炒多過2科 (起碼要90 cred)。 第三年固定FYP同埋自選。FYP當3科(Term 1 當一科,Term2當2科,前後三科45 cred)。 三年佔分比例係0:1:2。 適合咩人讀? 鐘意programming/hacking/解難嘅人 需要具備咩skills? (1)基本programming(Java)。第一年可以食中學老本,但係之後飛得幾快吓 (2)數,最好有讀further maths (3)英文,因為唔識聽/聽唔切會好辛苦 (4)一路聽一路寫notes嘅能力 教學模式 大部分都係lecture。一星期會有一兩日去Lab落手落腳做,會有assistant幫你,問問題最啱。 考核模式 數/Theory:Test/Exam Programming/Group Project:Coursework FYP:寫文(+寫Program) 收生/成績要求 DSE: 官網冇寫明,要自行向校方查詢 IELTS (academic): Overall 6.5, 每個subset至少有5.5 點解揀呢間大學? 排名算高(通常10名左右),但要求唔太高,所以做safe choice好啱。我唔唔清楚呢間大學同其他嘅分別,不過真係要比較嘅話呢間就好似冇咁chur。 Personal Statement Tips 寫多啲自己點係課堂外學其他野同埋顯示出自己鐘意problem solving。 出路 最直接就係做IT狗~ 或者可以做programmer (back-end),包括web development/server/database/system analyst。

英國升學心得- Southampton Computer Science G400 | 究竟讀啲咩?出路如何?