英國升學心得- UAL Graphic Communication Design | 唔同學院有咩分別?自由度大唔大?

係graphic design嘅分享呀🤩 多謝 @llblue.design 嘅分享🤟🏻 希望幫到大家🔥 基本介紹 UAL總共有6間學院,同一科喺唔同學院都會有唔同特色,而本人係Central Saint Martins學院Graphic Communication Design嘅Year 1學生。學士學位課程為期3年,總共有10個Unit同360 credits,分為每一年120 credits。Year 1同Year 2會有8個Unit,而Year 3就有2個。課程主要透過唔同主題嘅project briefs作為教學同學習引擎,並著重於Typography,Digital, Context,Image同埋Print嘅運用。本人認為CSM GCD課程比其他學院更要求同學追求突破創新同獨特性,但同時亦會有live project俾同學從現實角度反思自己創作想法嘅可行性並不斷改進,從而運用批判性思考於設計當中。 課程內容 Year 1 Unit 1: An Introduction to Graphic Communication Design Unit 2: Media and Methods Unit 3: Core Processes Unit 4: Introduction to Platforms 更多係技巧同埋思維上嘅學習同訓練,內容要求較為Open-ended。 Year 2 Unit 5: Exploring Practice 1 Unit 6: Bigger Picture Unit 7: Exploring Practice 2 Unit 8: Identifying Communities of Practice Year 3 Unit 9: Situating Practice Unit 10: Communities of Practice 適合咩人讀? 想喺平面設計領域裡面接觸更多唔同技巧同表達方式嘅運用 鍾意不斷打破框架同界限 要有咩心理準備? 除咗需要對平面設計有一定認識同興趣,都需要具備敢於表達同面對批判嘅心態。因為課程會要求同學積極討論嚟激發更多設計思維,同時亦需要評論彼此嘅想法或者對作品嘅構思提出問題,所以同學要自信咁表達同友善咁提出或接納意見。 另外,UAL會提供充分嘅課後時間同自由度俾同學完成project,所以都好需要同學有充分嘅藝術熱忱,同埋對每份作品嘅要求同自律性要夠高。Tutor嘅作用更多係幫助同刺激同學嘅設計思維,所以同學要有心理準備呢科會要求同學有獨立自主嘅學習能力。 教學模式 Lecture一個禮拜兩次。 Tutorial/Mentor Group一個禮拜兩次。 一般而言每次都係三個鐘。 考核模式 Presentation | Project Portfolio | Essay | Critical Report 收生/成績要求 2 A Levels at grade C or above (preferred subjects include Art, Art and Design or Design and Technology) IELTS (academic): Overall 6.0,每個subtest至少要有5.5。 因為官網冇寫明對於DSE嘅成績要求(如果照A Levels轉換就係兩科4),Geogaholic幫大家向UAL查詢,但佢哋表示需要了解更多報讀學生嘅校內成績同應考科目先。 點解揀呢間大學? 好多人可能從高中已經修讀Visual Art並且有長遠目標,而本人高中時係讀文科,雖然一直有參加下校內外嘅藝術活動或比賽。直到中六要確定自己想讀邊一科,先清楚確認自己一直對藝術抱有強烈興趣。並發現原來唔少藝術學生都以UAL作為大學目標,了解到呢間大學係藝術設計方面有良好嘅認受性,就決定開始做Portfolio想考入UAL認識更多同自己有共同興趣嘅學生。 大學特色 UAL嘅六間學院分佈係倫敦嘅唔同地方,該校學生可以使用六間學院嘅設施,學科眾多令同學們可以認識唔同藝術設計領域嘅學生,有助增加不同嘅學習機會同跨科系合作。 Portfolio Tips Portfolio應該多啲展現個人風格同特色,同埋著重展露多次嘗試或失敗過程嘅細節多於結果嘅優劣。除咗要有清晰嘅設計概念同目標,更要思考每一個設計環節點樣可以再做得更好,唔建議淨係有單一設計方向,而係應該善用唔同材質材料同製作技巧。有時更多天馬行空既諗法更具吸引力 出路 大部分人都會從事番同design相關嘅工作,例如web design,graphic design或者係product design。

英國升學心得- UAL Graphic Communication Design | 唔同學院有咩分別?自由度大唔大?