英國升學心得- UCL Geography | 大學同中學geog嘅分別 | 竟然可以讀其他大學嘅course?| 喺英國同香港讀地理嘅幾大分別

雖然我不時都有分享吓我喺UCL Geog讀嘅嘢,但我發現原來自己都未好好咁介紹過呢科🤣 所以一路以嚟我都收到一啲dm問UCL Geog嘅嘢~ 今次就超級詳細咁同大家講解吓🔥 1. 課程結構 UCL Geog有幾個specialist programme可以揀,分別係:BA/BSc Geog,BSc Econ and Geog,BA/BSc Geog International同埋BA Geog with Social Data Science。咁有咩分別呢?除咗International嗰個programme之外,其他都係好似平時喺英國嘅degree係讀3年嘅。據我所知,第一年或者第二年Term 1嘅時候你可以轉去international個programme,咁就可以喺第三年嘅時候去UCL嘅partner uni到study abroad一年! 好多人亦都會喺入學嘅時候轉去Q-step,佢會有佢自己compulsory嘅modules,第一年主要都係讀番啲關於quantitative嘅social science research methods (聽講要成日用R Studio哈哈),其餘optional course同正常Geog人揀嗰啲係一樣嘅。 我自己就係讀BA Geog嘅,其實第一年我都有讀好少phy geog,包括就係compulsory嘅field trip (半phy半human)同埋我自己揀咗嚟讀嘅ecology。我覺得可以explore多啲都係一件好事,因為大學嘅geog同中學嘅好唔同,話唔定你讀完先發覺你對另一邊嘅geog更加有興趣(之後可以trans去BA/BSc)!同埋每一年我係可以讀少一個geog optional course,然後take另一個dept嘅module嘅,所以我可以讀我喺geog以外鍾意嘅嘢—— management嗰啲嘢~ 2. 課程內容 UCL Geog會讀到/可以揀嚟讀嘅嘢其實真係幾廣~Human geog可以讀到關於geopolitics、urban/cultural/historical/economic geog等等。Phy geog可以讀geomorphology、ecology、古氣候變化等等。 3. 同DSE Geog有冇關係? 我覺得兩者嘅關係唔係好大。的確,有啲DSE入面教咗嘅concepts或者議題都係有用嘅,例如係gentrification,deforestation。但大學入面教嘅嘢好多都係DSE冇cover到,例如geopolitics同埋關於space嘅concepts。之前都提過,我覺得DSE Hist教識我嘅寫essay技巧同歷史背景對於我喺大學讀好geog更有用! 4. 教學模式 UCL Geog嘅教學主要包括咗lectures,seminars,tutorials同埋field trips。Lectures就係一大班人一齊上,主要係單方面聽個lecturer講解ppt嘅嘢,好多時亦都會畀人問問題再討論吓。而seminars就係大約10個人上,主要係以小組嘅形式討論啲readings,然後個seminar lead (會係個lecturer自己/postgraduate teaching assistant)就會畀啲feedback。 至於tutorials,你year 1就會同大約3-4個同學share一個tutor (都係一個平時會教你嘅professor嚟),每個禮拜都會見一次,主要係傾吓近況、讀書進度,亦會present吓essay outline,總之個session就係想幫吓你,睇吓你有冇遇到咩難題。當你上到year 2之後,你個term 1 tutor就會變成你嘅personal tutor。雖然見面次數會比year 1少,但你有咩問題都可以繼續揾佢! Computer practicals同seminars一樣係小班教學,會教你點用R Studio、ArcGIS等等嘅software。 另外,UCL嘅field trip其實都算係多,讀LSE Geog嘅朋友都覺得我地嘅field trip多過佢地~ 咁每年我地都會有field trip,唔使再留喺London到嘅!Year 1個field trip大約11月就會去Barcelona同Sitges,超級好玩同埋真係畀一個機會你去認識你個course入面嘅人!Year 2嘅話就可以去Glasgow (human geog)或者西班牙嘅一個島 (phy geog)。Year 3仲多選擇,有得去Greece或者Gibraltar等等...聽到都覺得興奮!Field trip嘅錢係學費包埋嘅,所以基本上唔使畀啲咩額外嘅費用! 除咗呢啲field trip之外,我地Year 1都有去London入面其他borough到做fieldwork。嗰啲fieldwork就真係放手畀你個group做嘅,冇professor會睇住你~ 整體嚟講,呢到啲professors個個都好nice,好鼓勵你去思考啲嘢然後問問題,呢一種學習氣氛我係幾鍾意嘅。而且佢地個個都好有料,好多時你睇緊嘅paper或者書都係佢地寫~ 5. 考核模式 以coursework為主。Coursework大部分都係寫essay,所以readings冇得唔睇,就咁靠ppt一定寫唔到一篇好嘅essay!啲essays好多時候都可以畀你apply啲學咗嘅concepts落自己揀嘅example到,呢種自由度我幾鍾意!如果係field trip嘅coursework,通常就係寫report同埋寫field notebook。而coursework都有分formative同summative。前者就唔計分,係test吓你啲concepts同幫你寫好summative,而summative就會計分。Exam我就未試過,因為上年因為疫情cancel咗~ 6. Exchange 第三年可以去exchange!如果唔想defer一年,就可以喺Year 3 Term 1去exchange一個term。如果要exchange一年,就應該要讀international嗰個programme啦~ Exchange嘅大學都有好多可以揀,淨係exchange一個term嘅話選擇會比較少,但都涵蓋到唔少好嘅大學,e.g. NUS,UofT等等。 7. 成績要求 基本DSE requirement 係英文同數學5,三科electives(有Geog) 5,中文同LS 3。 IELTS:Overall有7,每個subset至少有6.5 8. UCL Geog特點 UCL係屬於University of London (UoL)嘅其中一個college,其他屬於UoL嘅包括有LSE、King’s同Queen Mary等等。咁有咩特別?雖然我自己就冇咁做,但其實你係可以take另一間大學嘅course as一個intercollegiate student㗎!呢樣嘢都真係幾特別,係其他非UoL嘅大學畀唔到你嘅體驗! 9. 同喺香港讀Geog嘅分別 利申:我冇喺香港到讀過geog,而我都唔係100%清楚其他英國大學嘅geog,以下嘅比較都係綜合多方面嘅資訊得出,唔可以作準嘅~ 英國讀三年(如果你唔去exchange一年),香港就讀四年~ 如果喺英國畢業之後再full time讀一年master,即係你用四年時間已經可以讀完undergrad同master! 英國呢邊係專科專讀。好似我啱啱所講,UCL BA/BSc Geog呢個programme每一年只可以take一個non-geog嘅module,而我地亦唔需要讀common core~ 而香港嘅話,例如HKU Geog就可以畀你double major或者minor。咁樣其實各有各好嘅,前者就係真係可以更深入研究geog,後者嘅flexibility會比較大,好擔心出路嘅double major/minor都可能畀到你更大嘅保障。 至於考核模式,以HKU Geog為例,問番讀緊嘅人,佢地大概係一半assignment加一半exam,而我地UCL就偏向係多啲coursework (但都要視乎番你module嘅combination啦,至少我自己個配搭嚟講就係少考試嘅,一年大概有1-2個考試) UCL Geog嘅國際學生比例應該都比香港嘅大學高,所以都可以畀一個機會你同世界各地geog好叻嘅人交流吓心得。

英國升學心得- UCL Geography | 大學同中學geog嘅分別 | 竟然可以讀其他大學嘅course?| 喺英國同香港讀地理嘅幾大分別