英國升學心得- UCL Information Management for Business | 將IT同Management結合嘅一科?讀完就前途一片光明?

又有UCL嘅分享呀🤩 今次係Information Management for Business!多謝晒我嘅師妹❤️ 究竟讀啲咩? 簡單啲嚟講就係IT & Management! 準確嚟講就係大約~60%Management, ~40%Tech。E.g., Year 1嚟講 Management方面有: Management, Marketing, Data Analysis, Business Psychology 相關嘅課程,Technology相關嘅有Programming (Java), Web development (HTML, CSS, Javascript), Information System (Data flow/management)。有啲management嘅courses都會提吓佢哋嗰方面嘅科技發展 ,同Tech掛鈎吓。 普遍嚟講比較多寫report/分析,唔多數學。雖然有tech嘅課程但係入學唔需要tech背景/知識!我就係完全唔識任何programming language入嘅,prof會由淺到深咁教~(其實都唔係好深) *註:上面列嘅courses唔係正式course title,而係概括咗大致嘅課程內容。 呢個course有咩特別? 除咗課程涵蓋得比較廣之外,呢個course最特別嘅係我地有個自己嘅career team!所以如果想搵人商量CV、諮詢出路,可以唔使咁辛苦同所有UCL嘅人爭個career team,預約meeting相對嚟講比較簡單!同埋因為我地嘅career advisor淨係負責呢個course,佢對每個人都比較熟悉,畀嘅advise可能會可以貼合你本人多啲,可以教你點樣好好咁運用你個人同嚟個course嘅長處。亦都因為呢個career advisor負責過咁多個cohort,佢會好清楚我地如果對某間公司/某個position感興趣嘅話可以contact邊個course alumni,佢可以name drop人俾你去connect同問問題。呢個真係好好好好有用!因為佢會慳翻好多你搵alumni嘅時間,而且因為係佢推薦你,成功connect嘅機會亦都高好多,同埋搵在職人士問問題你真係會學到好多好多係網上搵唔到、關於嗰個career嘅野! 點樣有效利用呢個course? 其實呢個course同其他UCL嘅course相比之下並唔chur,如果淨係讀書攞first嘅話我覺得唔係好抵>< 相對嚟講,正因為呢個course比較容易多free time,所以我覺得會好適合好proactive嘅人!如果可以有效咁運用嚟啲free time嚟:上莊、參加competitions、events、識多啲人、讀啲online course、take up positions outside of UCL、participate in research 同埋apply spring/internship,你會發現你可以做好多野亦唔使犧牲太多睡眠時間!呢啲non-academic嘅野既可以令你份CV好睇啲,你儲翻嚟嘅experience都會好有用,仲會識到好多friend同埋有個超豐富好玩嘅uni life!始終出國讀書超貴,呢個course exclusive嘅專業知識同UCL個名加埋我都覺得唔值咁多,但係佢比嘅free time,resources同opportunities真係多到爆炸,所以如果可以主動好好運用埋呢啲我覺得就會物超所值啦!!! 適合咩人讀? 主要係對business有興趣,同時想理解多啲關於technology嘅人,又或者係想試多啲野、同時想要UCL個名嘅人。 *常見錯誤:如果係想做programmer但係同時想學management,唔好報呢個course!因為專業知識唔多,應該要報返comp sci with management! 呢個course唔需要特別嘅skills同programming knowledge。因為係coursework based,要預咗有好多group projects,所以最好係鍾意/唔介意同人合作。如果想攞好grade/唔想咁辛苦就最好提前熟悉吓coursemates,又或者如果係唔好彩被分到嗰個係free rider嘅組要有carry成個team嘅心理準備。學期尾好多coursework deadline會堆埋一起,所以唔想咁辛苦最好有time management skills,如果冇嘅話就最好係捱得夜(JKJK XP)。 Personal Statement Tips 除咗正常嘅personal statement tips之外, course specific嘅話你可以寫你係對business and technology兩方面都有興趣,focus多少少喺business(當然要記得解釋點解)。Extra-curricular activities 都好重要!我覺得比起引用你讀過咩書、學過咩理論,你講吓你自己嘅personal/extra-curricular experience同心得 (最好同business相關)應該會比較有用。引用理論嚟啲比較適合其他較academic嘅科(philosophy/finance/chemistry)。 考核模式 大部分都係coursework based,今年year 1 — 8個modules只有2個modules有50%的考試。其他都是coursework,或者每星期嘅一個小考核 or reflection呢類累積嘅野。 值得注意嘅係overall特別多group projects,特別是year 1!Year 2同3會有少group project,但係好似都係有。 收生/成績要求 DSE: 英文: 5 | 中文、LS: 3 | 選修科: 555 IELTS (academic): Overall 7.0, 每個subset至少有6.5 Student ratio (我個cohort) International students佔絕大多數!Asian比European多啲啲,呢個course今年嘅cohort亦都有唔少係讀過其他degree一年或以上再轉過嚟嘅,但真係每個人嘅background都好唔同,好多有趣嘅人生經歷! 通常應該100人左右一個cohort,我呢年因為covid,A level同IB第一年突然cancel exam,所以好多UCL course都被逼收多了很多人(doubled!!), 今年有大約200人... 可能係因為咁,呢個cohort都幾參差吓,會有你懷疑點佢入到UCL嘅人,亦都會有你懷疑佢一日係咪有48小時嘅人! 出路 需要注意嘅係呢個唔係double degree,而係純粹兩邊嘅野都學吓,俾你一個basic understanding!如果想出嚟做programmer, developer, software engineer,呢個course教嘅野唔會深入到呢個程度,都係讀番comp sci會好啲,讀呢個course會需要好多好多嘅自學!不過想做呢啲職業都唔係冇可能,prof個個都好好人,即使你email問佢地課程外嘅野,佢哋都會好有耐心咁幫你。所以可以算需要半自學(?)lol>< 雖然專業知識唔深,但係呢個course俾你試/學嘅範疇就多好多,透過啲courses你可以學到/體驗到web developer,programmer,software engineer, market researcher,data analyst,accountant, manager etc.嘅 minimum skill sets同基本基本嘅tasks。對唔知將來做咩好嘅人嚟講嚟個course會俾你一個好好嘅嘗試同體驗,可以幫你發掘到你鍾意嘅範疇/career同幫你打好個底。(雖然發掘咗之後就要靠你自己努力爭取><,因為只有個底、個course唔會spoon-feed你,你有咗目標之後要self-motivated同proactive啲!【特別係如果需要專業知識嘅career!如果係business相關嘅career,呢個course其實都算好好咁prep好你啦】) Overall 嚟講喺各個business同tech嘅範疇都有呢個course嘅alumni,出嚟做business相關嘅比較多。根據我地嘅career advisor,我地嘅alumni入過嘅公司有:Big4, GS, JPM, CS, Blackrock, McKinsey, Microsoft, Amazon, IBM, GitHub etc... 常見嘅industry有:consulting, investment banking, trading, marketing, back-end development, programming etc...

英國升學心得- UCL Information Management for Business | 將IT同Management結合嘅一科?讀完就前途一片光明?