英國升學心得- UCL Pharmacy | 同喺香港讀有咩分別?藥劑師呢行已經飽和?

係UCL Pharm嘅分享🤩 多謝有心嘅follower❤️ 聽完佢分享真係覺得呢科幾chur吓😂 唔怪得知我上年好少見到佢地lol~ 希望幫到大家! 課程結構同內容 呢個program讀四年就可以成為master (有啲可以包埋pre-reg year,直接去同學校有connection嘅醫院/藥房,唔使自己搵)。 除咗year 4 research topic之外,其他全部都係compulsory module (可以唔使擔心reg科問題) 。 Year 1- 4個modules Role of pharmacist in healthcare (藥劑師日常做嘅野,例如有dispensing, counselling, law and ethics, 常見病症嘅treatment...) Chemistry of medicines (reaction mechanisms, equilibrium, separation and chromatography, statistics...) Body system and therapeutics 1 (drug receptor reaction, cell signalling, enzymology, neurotransmission... ) Making safe and effective medicines (medicinal forms: solution, emulsion, suspension, aerosol, cream... 「整」藥需要注意嘅各種細節位) 同想像中有冇咩出入? 比想像中多bio嘢要讀。雖然bio唔係application必讀科,但建議冇讀bio嘅同學考完DSE之後嘗試了解吓body systems, respiration等等嘅基本嘢。開學頭幾個禮拜會講呢啲嘢,但之後就唔再係DSE/ A-level syllabus嘅topic,所以大家都係咁讀。 要有咩心理準備? Pharm係chur嘅一科,lecture多,最多可以一個禮拜一個module 5個鐘,但總共有4個modules。同埋佢冇reading week,而且讀4年就有master一定會比香港chur。 同DSE Chem有冇關係? Chem係必修科,所以報嘅人chem都好勁。A level 有教dse冇教嘅organic chem reaction mechanism,所以可能有啲disadvantage。不過教呢課個professor講得幾好,所以問題唔大。學嘅嘢同DSE syllabus入面嘅organic chemistry同analytical chemistry 關係比較大。 適合咩人讀? 做醫護行業要有愛心同責任感唔講啦。 應該要有一定嘅溝通能力,有條理咁同病人交流。 自律(每年要做一個叫professional portfolio嘅self task,喺Easter前交。要自己分配好時間喺Xmas做,因為佔分都重 (coursework 30%),同埋真係唔係deadline前2個禮拜捱夜做得晒)。 教學模式 Lecture, tutorial, lab大概每禮拜一至兩個睇教緊嘅topic。 考核模式 每個module都係coursework佔30%, exam佔70%。 Written exam: 40% passing mark 整體上都幾M-shape,有hea讀嘅人,都有好勤力好勁嘅人。據說每年一半人都有70%分以上係first hon (無fc過)。都聽過有人first year fail, retake冇pass俾學校踢出去。 Exchange? Year 4 research (9-12月) 可以去Monash (Aus), Uni of Toronto (Canada), HKU, Hanyang Uni (Korea), Uni of North Carolina (USA)… 但係要睇你平時成績、同research topic夾唔夾等其他原因。雖然比較少出國機會,但有啲堂係可以去藥房/醫院,見到真係賣緊嘅藥同patient都幾有趣。 收生/成績要求 DSE: 英文: 5 | 中文、LS: 3 | 選修科: 555 (一定要有讀chem) IELTS (academic): Overall 7.0,每個subtest至少要有6.5。 Zoom interview (我UCAS報嘅5間pharm,除咗Birmingham直接有offer,其他全部要interview: zoom/skype/phone call) Personal Statement Tips 可以search 9 standards for pharmacy professionals ,了解吓佢地想要咩人才。 同香港嘅pharmacy有咩分別? 好處 4年讀完出到嚟係master degree。 唔使讀core subjects,可以一心一意學pharmacy-related嘅嘢(雙刃劍,睇個人選擇) 英國社區藥劑師可以做嘅事比香港多。 缺點 香港讀完出嚟自動註冊,可以直接做嘢。但英國會有pre-reg exam,要pass先有牌可以做嘢。英國讀完返香港做野要再考香港嘅藥劑師牌。 出路 最直接嘅例如有醫院藥劑師、社區藥劑師、藥廠、科研... 都有人讀完pharm再讀dental/medic。出路都廣! 學校讀完4年後第五年會係Pre-reg pharmacist,喺醫院/藥房返一年工。一年後考試通過咗就可以做持牌藥劑師。 藥劑師呢行已經飽和? 畢竟醫院藥劑師每年收嘅人都有限,香港藥房藥劑師做到嘅野相對少,做藥廠據說工作環境差(人際關係同工作內容方面連登講),個個爭做醫院咁應該都算飽和。 雖然有聽聞政府未來會增加藥劑師人手,但今年CUHK同HKU pharm都收多咗人,所以競爭應該都算激烈。

英國升學心得- UCL Pharmacy | 同喺香港讀有咩分別?藥劑師呢行已經飽和?