英國升學心得- UCL Psychology with Education | 讀啲咩？出路如何？

千呼萬喚嘅UCL Psychology終於出爐啦🔥 好多謝朋友嘅朋友咁忙都幫我寫呢個post😭 希望呢個post幫到有意讀psycho嘅各位啦❤️！
課程結構與內容 第一二年嘅psychology modules係比較理論性啲，學吓唔同theories, studies, criticisms同埋 current trends in different branches of psychology。個人認為每個education modules都十分有趣，會學到好多關於社會education嘅問題，亦都會啟發你去諗好多嘢。 第三年就會將psychology同education融合埋一齊同埋專注喺應用方面，例如運用一啲theories或者研究結果去諗吓有啲咩interventions可以inform policy makers同學校。第一二年唔一定有group project，但係第三年就一定會有一個。 呢個program係under UCL Institute of Education (IOE) (佢連續7年喺Education呢科嘅世界排名都係第一)。呢個programme亦都係accredited by British Psychological Society (BPS)。 其他UCL有offer嘅psychology programmes： BSc Psychology BSc Psychology and Language Sciences (PALS)
其他UCL IOE有offer嘅programmes： BA Education Studies BA Media BSc Social Sciences BSc Social Sciences with Data Science BSc Sociology 學習與考核模式 Psychology modules: 通常psychology嘅reports同essays都係1500到2000字左右。每寫一篇essay都要睇好多readings，所以都要預留時間去做 (tips: 其實唔一定要睇晒全篇study，最主要都係睇abstract同埋discussion)。通常每個module都係要寫兩篇essays。 Education modules: 通常都會係optional modules。啲essays通常會長啲，大概3000字左右。視乎番你揀選嘅modules，有時要睇嘅readings會比psychology更長更難明，有少少似philosophy 咁，但如果你對個topic有興趣你會越睇越想知道更多。 整體而言，上堂嘅時間每星期唔會多過15個鐘，所以其實真係好靠自己self-study去學習。 成績要求 DSE: 英文、數學: 5 | 中文、LS: 3 | 選修科: 555 IELTS (academic): Overall 7.0，每個subtest至少有6.5 出路 而家香港並未有一套法定心理專業註冊制度去管制心理專業範疇執業條件。僱主(政府，醫院，私人機構) 對於唔同嘅心理專業會有唔同嘅要求，但係普遍來講都會需要一個masters，而且有相關經驗都好重要。