英國升學心得- UCL Transport and City Planning Master分享/ 學科懶人包 | 出路?

係transport and city planning嘅分享呀🤩 今次邀請咗喺UCL到讀完Master嘅 @dsexhardwork 為大家分享吓關於呢科嘅資訊,解答吓你地之前喺我story到留低嘅問題❤️ Transport讀啲咩? Transport 有分好多種,logistics 管貨運(+supply chain)/ aviation 就係專門 for 航空,我喺 Imperial Transport 上過一個 course,佢地係偏 engineering 嘅,會做好多 Transport modelling,即係計車流、道路設計、負荷,甚至係紅綠燈點set 等等,而我係以 urban planning 為中心。我哋嗰 project 係設計一個巴士總站,Imperial College啲人一嚟就係咁計數嘅,十分痴線,而我就好似個 9up 派咁,有比較多設計上嘅 input俾到佢哋。我UCL呢邊學嘅嘢會考慮埋交通對城市發展、設計嘅影響,即係整啲類似 transport-oriented development出嚟,但又唔係得一種。Undergrad 就會學唔同種類嘅發展,包括英國嘅鄉村小鎮⋯⋯ 係咪要讀好多policy/ history of planning strategies? 大學讀嘅所有嘢都有理論嘅一面,所以 the short answer is ‘yes’。好在 modern town planning 嘅歷史唔係好長,所以都叫做還好。不過UCL呢種「研究型」大學就會比較多理論嘢學 / 討論,亦需要啲更多參考書(recommended reading)備課。 相反,排名無咁好嘅大學會有多啲實戰型嘅課堂(即係類似Poly嘅職業培訓course咁),所以出到嚟見工嘅時候,其實有相應嘅 selling point,睇你識唔識 market 自己啦! 點解揀transport嚟specialise? 因為本身我係想讀 transport但我係數學白癡,所以係入唔到要計數嗰啲 programme 嘅,咁我又對 planning 有興趣,所以呢個組合自然就係首選啦~ 讀呢科係咪要畫畫靚/叻? 唔係,但係如果你 take 有關 Urban Design 嘅 courses 的話, 就需要啲computer graphics技巧,因為有機會要你整一啲 illustrations 出嚟(好似售樓書嗰啲模擬圖咁,我有個同學成日係咁喺條街度加樹)。大學應該有一大堆電腦程式嘅 online courses,強烈建議開學前乖乖地學晒佢,兼且試玩吓!如果想睇我以前份 project 嘅圖,可以 dm 我 (@dsexhardwork) 需唔需要英文/數學好好? 利申多次:數學白癡,英文係一定要識 + 夠膽講,唔需要話真係好好嘅,多啲同同學溝通已經好夠。佢地好習慣 share 自己嘅生活、興趣咁嘅,所以預備多啲小故事同同學分享,咁就可以融入大家㗎啦~ 當然,如果英文好,寫 essay、dissertation會有著數(起碼快啲)~ 係咪適合鍾意human geog多啲嘅人讀? 完全正確,如果鍾意同人溝通更好,因為就算出到嚟做嘢,town planner 好多時都要同好多人合作嘅。 Undergrad係咪要讀相關嘅課程master先讀到呢科? 唔需要,吹得就可以。有關寫 personal statement 嘅問題,可以另外揾我 (@dsexhardwork) 係咪一定要去政府部門到做? 唔係。不過係英國嚟講,政府部門都算易入,因為香港得一個「規劃署」,但英國嘅規劃部門係跟區議會嘅(所以單喺倫敦已經有三十幾個「規劃署」)。喺呢邊 apply 政府工,份 application 同平時有少少分別,唔係好多人知,所以你會少咗好多對手(我嗰陣apply 11 份,有 9 個interviews,命中率相當高)。 除咗政府之外,最受同學歡迎嘅,當然係大型顧問公司嘅 graduate scheme,英國亦都有好多小型planning consultancy firms 會請我哋,甚至係做 freelance/ 自己創業都得~ 讀呢科嘅人通常仲會做啲咩其他工作? 除咗 planning 之外,我嘅同學當中,有人:喺大學度做研究、喺 TfL (倫敦運輸局)做 Transport 嘅嘢、有人做 engineering 嘅嘢(佢本身有理科 degree),亦都有人唔生性走去創業(即係我)。 讀urban planning喺英國到容唔容易搵工? 我覺得容易,因為英國大大小小嘅改建、發展工程,都需要經過 local planning authorities,所以創造咗好多就業機會~ 揾唔到工嘅可以搵我教你(講明:唔包生仔㗎!!!) 返香港發展多啲機會定係留喺英國好啲? 好難講,睇你想發展啲乜(大灣區都係發展嘅一種,係咪?)我就覺得,依家有 post-study work visa 送俾你哋,好應該嘗試一吓、體驗一吓先,唔好好似我啲傻豬同學仔咁,走咗又話想返嚟⋯⋯到時就無visa 㗎啦! 有冇咩搵工嘅tips? Grad scheme: 早啲揾 (今年 10 月揾定出年嘅工) Gov: 睇住佢嗰份 job description / person specification 嚟申請,佢會 make sure 你聲稱符合所有條件,先知會叫你去 interview Agent:好多政府機構都會透過 agent 請人,而佢地都會係 Linked-in 出沒揾人,所以要整好個 profile Job experience:最好起碼有一個 local job experience(做義工都可以),咁樣僱主會比較放心~ 順帶一提:每間大學都有創業中心 + career centre,可以善用 free courses / mock interview etc。 應唔應該讀咗civil engineering先? 兩樣嘢唔同㗎喎。我之前做嘢嗰度,隔離就係一堆enginners,佢地負責樓宇結構同安全。佢地係關心每一間屋有無構成危險,而我地係關心成個環境(而間屋係社區一部份,所以我要管佢),所以睇吓你鍾意邊面(咁當然 planning 無咁難學啦,讀完civil degree先讀 一年 planning master可能係一個唔錯嘅安排)。 呢科嘅出路好啲定係archi好啲? 我就覺得點都係 archi 專業啲同型啲! 不過兩科需要嘅技能唔同,要睇你個人嘅特質同興趣。我一向認為要揀啲自己適合嘅嘢 + 有興趣嘅嘢,咁樣先至發揮得自己最好,然後自己又開心。

英國升學心得- UCL Transport and City Planning Master分享/ 學科懶人包 | 出路?