英國升學心得- UCL Urban Planning, Design & Management BSc/ MSc | 同Urban Studies/Surveying/Archi有咩分別?

終於有urban planning城市規劃/設計呢科嘅分享!今次仲有兩個人幫我寫呢個post,一個喺UCL到讀undergrad,另一個係喺UCL到讀master,真係受寵若驚,多謝晒兩位!所以呢個post除咗有關於undergrad degree嘅嘢,亦會有關於報讀master嘅tips!希望呢個post幫到大家,因為一路以嚟實在有太多人request~ 課程結構 呢個係一個三年嘅課程,每年會讀八個modules,每個module 15 credits。即係三年內會讀360 credits。呢個課程係冇dissertation module嘅。 課程內容 主要分類如下: Year 1: UK planning system, basic graphic skills, basic planning/ geography theories Year 2: social sciences/ planning theories, advanced geography theories, sustainable technology, urban design skills Year 3: UK planning laws, politics, real estate *每一年都會有urban design module 呢個課程會包咗國內同國外嘅field trip,以往去過Barcelona同英格蘭嘅Middlesbrough。 Urban Planning vs Urban Studies vs Surveying vs Architecture 呢幾科讀嘅嘢都係同built environment有關,所以佢哋必然有overlap嘅地方。佢哋主要嘅分別係佢哋嘅focus喺built environment industry入面嘅唔同面向。 Urban Planning:主要係讀點樣善用城市嘅空間,點樣分配土地用途,喺呢幾科嚟講可以話係讀啲比較宏觀、macro-scale嘅嘢。讀嘅課題可以包括real estate、urban regeneration 、urban design、urban design等等。 Urban Studies:同urban planning好似,個人覺得只係qualification唔同,因為多數啲undergrad同冇RTPI accreditation嘅master programme名就會係urban studies而非urban planning,總之如果你係想讀planning嘅話,建議你睇清楚佢有咩accreditation同睇吓課程內容,邊樣貼近你有興趣讀嘅嘢多啲~ Surveying:香港嚟講主要分為3個fields: QS (Quantity Surveyor)、BS (Building Surveyor)同GP (General Practice)。佢哋讀嘅嘢包括:計劃一個project嘅budget、驗樓、物業估值等等。 Architecture:主要係讀點樣為intended user group善用空間同最大限提高使用率,比起urban planning,architecture讀嘅係一個比較細嘅範圍,而唔係好似urban planning咁讀一個好大嘅area。讀嘅內容主要有building structure, architecture history, interior design, building materials and technology等等。 總結嚟講,urban planner、surveyor同architect喺一個project裡面其實可以話係負責唔同stage嘅嘢,urban planner負責最早嘅規劃工作,architect 負責construction前到construction完結嘅工作,而surveyor就幾乎出現喺每一個stage。 考核及教學模式 冇乜考試,功課方面就多數寫吓essay同report,做吓group project咁。上課時間一半lecture,一半係seminar(即係香港嘅tutorial)。上堂嘅時數唔算好多,但係要花唔少時間做功課。Lecture同seminar嘅教學模式同英國其他大學大同少異。UCL Bartlett School of Planning嘅teaching staff好多都好nice同passionate,好歡迎學生問問題同討論。 收生要求 DSE: 英文、數學: 5|中文、LS:3|選修科:555 IELTS (academic): Overall 6.5, 每個subset至少有6.0 不過conditional offer同網上講嘅requirement可能會有少少出入:有時conditional offer會出得低過網上嘅requirement,同埋放咗榜之後如果成績未及conditional offer, UCL亦都有機會會收。 要具備嘅條件 少少攝影技巧 Graphic skills (e.g. Photoshop, Illustrator) AutoCAD同SketchUp唔係必須,但係識用會着數啲 Rendering skills 英文能力唔可以太差,因為都要睇一定數量嘅reading 要有心理準備會chur,特別係urban design module 關於graphic skills,其實都唔係話入學前就要識晒所有嘢,只係有少少基礎比較好,同埋其實一路上堂都會一路學到。有心嘅話其實可以暑假期間喺出面上堂學。學校都會搞一啲graphic skills嘅班,但個人覺得成效就見仁見智啦~ 報讀Master嘅tips 呢個BSc雖然係accredited by RTPI and recognised by RICS,但想做urban planner嘅話就一定要讀Master,如果唔係就唔會考到牌,不論你喺香港定英國做嘢。記得早啲開始報Master,因為好多大學,包括UCL,都係採用rolling basis。雖然有報名deadline,但如果好早full咗咁就唔再收生㗎喇~ 如果undergrad係喺UCL到讀planning,UCL嘅Master都好大機會會收番,成績唔好太差就可以。整體嚟講,UCL Bartlett School of Planning嘅Master都唔算好難入。 出路 如上,讀完呢個degree點都要讀埋master先會做到planner。想喺香港做嘢嘅話,public同private sector都會請人,不過要有心理準備呢行好窄,有時opening都唔係好多,所以唔算話好容易入行。

英國升學心得- UCL Urban Planning, Design & Management BSc/ MSc | 同Urban Studies/Surveying/Archi有咩分別?