英國升學心得- University of Leeds Fashion Technology | 要做lab?要識chem/bio多過識畫畫/設計?

多謝有follower主動話想分享吓佢讀喺Leeds讀緊嘅呢科fashion tech🤩 Fashion design就聽得多,fashion tech真係比較少聽到!想了解多啲呢科就要睇吓呢個post啦🔥 基本介紹 UoLeeds Fashion嘅所有科目都係under School of Design,而詳細有分四科,包括Fashion Design, Fashion Marketing, Fashion Textile同Fashion Technology。 今日就講吓唯一一科唔需要有portfolio都可以申請嘅Fashion Technology(代表就算你冇讀過VA或者DT都可以申請) 好好奇點解唔需要portfolio都讀到fashion-related嘅subject? 雖然讀嘅都係Fashion,都需要畫畫同設計但係冇要求要任何training,係因為呢科嘅重點放於Science>Design。至少兩個module要求你要對Chemistry同Biology有基本概念同了解,而且會有lab堂會做實驗同寫report。雖然design嘅份量相對其他三科少,但唔同嘅lecture都會有機會俾你畫吓嘢設計吓咁。 課程內容 Year 1 5個core modules (下年已經改咗,但大同小異) 1) Fundamentals of Imaging: 呢個module係成個design school一齊上,讀嘅就係運用InDesign, Illustrator, Photoshop呢啲software去呈現你嘅設計同表達理念,做唔同嘅project同brainstorm idea. *全部software都係自學,學校要求16個鐘嘅self study學識,最後會有個佔40%嘅test* 呢一科有好多workshop可以揀,eg. Digital painting, fashion block pattern design等,範圍好廣。 2) Garment Production Processes: 對時裝有興趣嘅一定會鍾意呢科,會讀關於設計衫嘅模板同製衣。呢科practical嘅堂好多,咁多個module裡面都算最chur,就好似今年嘅asm要求造一條實體嘅裙出嚟,有機會由零開始體會設計、布料選擇、縫製,接觸唔同機器。 3) Introduction to Fashion Technology: 核心科目(credit冇話佔最多),主要就係理解唔同raw materials,結構、生產、種植、合成等。 4) Design History, Design Futures: 又係成個design school一齊上嘅一科,從各國歷史了解唔同設計理念嘅方針同演變,鑑賞藝術品如何反映當時嘅社會主義,研究未來設計如何進步等。*Self study會要求睇好多article去自行理解更多文化同設計歷史* 5) Sustainable Fashion: 最接近中學LS同econ嘅一科。理解嘅都係人類消費同生產行為,究竟點先符合sustainability,咩先叫sustainable?深入了解由衣服生產到棄置去堆填區焚化嘅各個步驟,分析各種行為對地球嘅影響同點樣改善。 另外仲有得揀兩個optional modules( eg. drawing, technologies of art and design, fashion brand analysis等)。 要有咩心理準備? 雖然唔需要你有讀VA/DT 嘅經驗,但係基本畫畫同設計嘅能力都要有。 冇讀過Chemistry/Biology其中一科都可能會有啲辛苦,因為至少兩個module都會圍繞呢啲內容。 自律,特別係喺肺炎之下好多face to face堂都取消咗,好似要製衣嗰科明明要返學整變咗睇片自學 自學,唔係所有lecturer都咁好心咩都由step 1開始教(因為已經assume基本嘢你識),所以好多唔明嘅都要自己發掘。 可以好chur亦可以好輕鬆,好似我sem 1得三日要上堂,但啲堂可以塞晒喺同一日(9-6冇break);Self-study時間長,好多資料提供咗俾你落堂研究、閱讀、做preparation。 成績要求 A-level:ABB DSE:544 in English, Mathematics and one science related subject (LS excluded) IELTS (academic):Overall 6.0,每個subtest至少要有5.5 2020-2021收生人數:15人 出路 多數grad咗嘅人都投身番喺fashion呢一行,例如布料設計、QC、marketing等。教呢科嘅prof都預計我地將來朝garment technologist呢個職業發展,做嘅就係畫衫嘅模板、同唔同設計師合作設計(提供實用性資料)、分析衣服功能、成本控制等嘅各個步驟。當然呢類行業喺英國同其他歐洲國家嘅市場都會比較大,所以UofLeeds都有提供mentoring scheme,只要你有興趣參與就會分配你同一個喺fashion industry工作嘅人合作同溝通,有機會會可以去唔同公司工作(視乎你嘅mentor)同埋year 2之後都可以自行申請placement year,選擇去唔同國家投身fashion有關嘅職業,如果表現好的話將來都會有機會喺嗰間公司工作,或者拎吓經驗咁!

英國升學心得- University of Leeds Fashion Technology | 要做lab?要識chem/bio多過識畫畫/設計?