英國升學心得- Warwick BA Language, Culture and Communication X3Q8 | 內附經UCAS Clearing入Warwick嘅心得同流程!

又要多謝有心人投稿🤩❤️ 適逢而家係UCAS Clearing嘅時候,大家睇呢個post就啱晒喇,因為入面有經Clearing入Warwick嘅流程同心得🌟 課程特點 涵蓋嘅嘢很廣,每樣都會學一啲咁,除咗學language、culture and communication,都有學marketing同business方面嘅知識,所以唔會好似其他科咁咁專注喺一個area到。咁樣就有好有唔好嘅,雖然可以涉獵多啲範疇,但係我地每個module都唔算讀得好深入,所以只可以話係每樣都識啲咁。 Language嘅話,我地Year 1嘅時候需要學一種新嘅語言,當中都有好多唔同選擇,而我自己就揀咗日文。Culture就會學吓culture communication同culture relationship等等。Modules嚟講,其實Year 1冇咩得揀,但Year 2之後個自由度就大啲,可以揀自己鐘意嘅嘢嚟讀!而可以選擇嘅modules都好廣泛,我就主要揀咗啲business modules,而我啲朋友就揀咗啲社會學、心理學同哲學嘅modules。 呢個都算係一個好新嘅course,而且每個cohort嘅人並唔多。好似我咁,我嗰屆就得12個人。不過,我地有時上堂都會同其他科嘅人一齊上,所以都唔會話係得10幾個人一齊上堂。但因為我地個course比較少人,我就一定要喺course以外都同其他人socialise吓,例如係透過我第一年住campus嘅hall識人咁,然後第二年再搬岀嚟一齊租屋住。 呢個course都係可以選擇要一年嘅exchange/placement,如果要呢啲嘅話就要讀4年。Exchange方面我地學校有同好多世界各地唔同嘅學校合作,美國、歐洲、亞洲(香港、大陸、台灣、日本、韓國)嘅都有,但以我所知就好似唔可以返去自己嘅國家到exchange嘅。 點解揀Warwick? 我本身係想揀UCL嘅,但因為分數上嘅問題,我最後經Clearing入咗Warwick。我本身係冇打算揀Warwick,因為我唔係好鍾意佢嘅位置同city,但讀咗兩年之後都覺得Warwick呢到都冇咩唔好嘅。Warwick俾人嘅感覺就係附近咩都冇,唔似其他大學係喺city centre咁,變相咁樣就可以令你更專注喺你嘅大學生活到。如果想social嘅,都通常會喺大學到,而且呢到每個禮拜三都會有pub或者都可以參加一啲societies嘅酒聚。 另外,Warwick嘅ranking都唔差,好多公司都幾鍾意Warwick畢業嘅人,所以就業率係比較高嘅。 經Clearing入Warwick嘅程序 首先打電話俾間學校問吓佢會唔會俾offer你,然後有個staff就話我個分數可以報到Warwick呢個course,但係要再問個course leader我可唔可以讀咁,可能係因為佢想睇吓你嘅background/experience符唔符合呢個course。所以最後尾我需要同個course leader嚟一個大約30分鐘嘅interview。Interview會問你咩嘢係communication、你之前中學讀嘅科點樣support你去讀呢個course等等。經過呢個interview之後佢地先正式出offer俾我。我覺得因為我係經clearing入,所以都係主要睇我嘅grade,而唔係我份personal statement。 考核模式 主要寫essay同埋考試。通常啲modules都係50% exam同50% essay,而essays都比較難拎到高分。 成績要求 DSE (如果你係讀3X): 英文、數學、LS:3|選修科:555 DSE (如果你係讀2X): 2個必修科 (中文唔計):55 |其餘必修科(中文唔計):3|選修科:55 IELTS (academic): Overall 6.5, 每個subset至少有6.0 出路 感覺上呢科嘅學生就係咩都識啲,所以唔同類型嘅工都可以報到,尤其是同culture side有關嘅工都可以。我啲同學都係會做番media同marketing相關嘅嘢。

英國升學心得- Warwick BA Language, Culture and Communication X3Q8 | 內附經UCAS Clearing入Warwick嘅心得同流程!