英國留學/外國exchange必帶物品清單 | 咩嘢都可以唔帶但要帶XXX?| 超詳細checklist,包保你唔會帶漏!

出年打算去英國留學嘅你地唔知諗好帶咩過去未呢?我上年都有同樣嘅煩惱🤯😂 咁啱有follower dm我話想知,今日就同大家分享我當年嘅to-bring list俾大家參考吓~ ⁣⁣ ⁣⁣ 其實大部分嘅嘢喺英國都買到嘅,但由香港帶過去不外乎有幾個原因:⁣⁣ 難啲喺當地買到/直頭買唔到 ⁣⁣ 當地賣得好貴⁣⁣ 自己用慣咗⁣⁣ 自己帶定會方便啲 (大前提係嗰啲嘢唔算好重)⁣,因為通常你想買某啲嘢嘅時候就會買唔到🤣⁣ 日常用品 牙刷 浴帽 毛巾 梳、夾、橡筋 護膚用品 (尤其是保濕產品,因為英國好乾燥!) 化妝品 (必帶潤唇膏,原因如上!) (optional) 指甲鉗 帶定一套洗好嘅床單同枕頭套去 (英國一定有得買,但你一入去dorm嘅時候應該洗唔切) 衣物 衫褲鞋襪 (秋/冬天衫為主)、外套 (最好係有帽同防水嘅,適合返嗰邊嘅天氣) Tips:9月開學嘅時候其實天氣已經開始轉涼,所以可以唔使帶咁多夏天短袖衫 內衣 (esp 保暖底衫) Formal場合可以著嘅一套衫同鞋 (鞋其實嗰度有得買,但我係嗰啲一著新鞋就會刮腳嘅人。如果你同我一樣,就自己帶對著慣嘅去啦) Tips:覺得啲衫好佔位嘅,可以放落壓縮袋到 (據我所知,aeon living plaza或者其他百貨公司都有得買) 電子用品 電腦, mouse, mouse pad (如果用Macbook嘅建議帶埋個USB-C hub去) iPad, apple pencil (如果你想用iPad jot notes嘅話) 差電線 (電話/電腦) Power bank USB (optional) 注意:以上好多都唔可以放落寄艙行李到! 煮食用具、食物 電飯煲 (強烈建議帶,因為英國唔係得好多地方有得賣,仲要好貴,model又少) 蒸嘢用嘅夾同架 筷子 即沖黑糖薑茶 (女仔必備!) 杯麵 (optional, 嗰邊有得賣但貴) 文儀用品 文具 (英國啲文具同日本嗰啲冇得比🤭) Cal機 幾個files 救命必備 自己食開嘅藥 (帶多好過帶少) 撒隆巴斯/休足貼/安美露嗰啲 其他物品 口罩 (就算之前冇疫情,我都帶咗去以備不時之需,更何況而家有疫情~) 整photo wall嘅材料 (e.g. polaroid) (homesick嘅時候睇~) Tips:如果想帶fairy lights過去,唔好帶啲要插電嘅,因為宿舍通常唔俾用,所以帶啲入電池嘅去) M巾 (可以帶定少少,但其實英國有個別牌子嘅m巾都好好用) 行李秤(好實用,可以俾你出trip前睇吓個行李有冇超重) 細/中喼 (for短途trips/field trips) Sim卡針 (換sim卡時需要) Tips:sim card我係喺嗰邊先買嘅,我用EE,買pay-as-you-go就可以,咁樣會flexible好多。嫌EE比較貴嘅,Vodafone都幾好。3好多人話比較慢,唔建議買。 關於sim card嘅一啲補充:我當時喺香港買咗少少data過去,所以到咗英國先再買sim card。你都可以喺香港買咗張歐洲電話卡先,等去到可以用十幾日數據先再買sim card。⁣Pay-as-you-go嘅意思即係你每月需要用幾多data,就俾錢買幾多。個plan每個月會renew一次,有啲都可以俾你有data rollover (上個月用唔晒嘅data下個月繼續用)~ 我自己會比較prefer呢個,因為我通常有假期都會返香港,咁變相簽一年contract嗰啲就冇咁抵。⁣我對EE、Vodafone同Three嘅評價只係綜合咗個人經驗同其他人嘅feedback~ 想知道揀邊間電訊商嘅訊號喺你嗰區嚟講係最強,可以事先上佢個網到check吓你嗰區嘅network status~⁣ 雨傘 Tips:英國成日落雨,所以都需要用 (不過通常細雨就唔會有人開)~ 最好買啲擋到風嘅,因為嗰邊好大風🤣 長途機枕頭 (optional) ID card photo (optional) (方便你需要嘅時候唔使出去影) 希望個list幫到大家~~⁣⁣ 有更多英國留學疑問可以喺下面comment或者dm我🇬🇧❤️

英國留學/外國exchange必帶物品清單 | 咩嘢都可以唔帶但要帶XXX?| 超詳細checklist,包保你唔會帶漏!