英國留學心得- KCL History | 讀完歷史但做business?同中學嘅歷史有咩分別?

係follower嘅投稿呀,好感激佢😍 又有多一間u嘅歷史分享!話說真係好似好多人讀完歷史都唔會做同歷史相關嘅嘢㗎🤣 呢位follower而家做緊consulting🤩 點解想讀history? 我嗰時係讀IB嘅,而我都有讀history。我當時好享受讀呢科,因為佢諗嘢嘅process好特別同埋增進到我對世界嘅認知,所以就萌生咗想讀hist嘅念頭。 另外,當時我都有見到自己身邊嘅人 (老師/師兄姐) 讀完hist之後,佢地訓練出嚟嘅思維都好特別,諗嘢會識諗到好深入咁。同埋佢地好識得好清楚同概括咁表達自己嘅想法同經歷。所以就令到我都好想擁有佢地呢種諗嘢方式~ 雖然我嗰時都知道自己最後尾係想入business呢行做,但我都仍然選擇咗讀hist,因為佢有好多skills其實都係transferrable across fields嘅。 同中學嘅Hist有咩分別? 大學嘅hist會講多啲呢個discipline嘅nature,研究多啲historiography同埋the methods of history。同埋同中學唔同嘅係,大學會少啲好詳細咁去學嗰段歷史講緊啲咩。 究竟讀啲咩? 我當時有幾個自己好鍾意讀嘅themes/modules嘅: 我地會讀現代嘅historical methods點樣受scientific methods影響。大家都知道,scientific methods係講求透過反覆嘅testing去eliminate variances between tests,然後幫你搵個dependent variable,最後就可以搵到兩個variables之間嘅causation/correlation。而其實historical methods係好受到scientific methods嘅影響㗎。History好多時候都需要我地用一個scientific approach去睇唔同嘅sources,搵出sources之間嘅相同與不同之處,同埋邊啲係dependent variables,有邊啲係唔可以isolate出嚟嘅variables。呢科亦都要求我地睇好多唔同嘅sources,所以essay要加好多footnotes,等啲人可以追究到你每一個point嘅來源。與此同時,我地都會討論呢個method嘅缺點。究竟我地用一個scientific approach去研究例如communities of people係咪valid?我地會唔會忽略咗the human aspect of history? 我地都會有啲methodological discussions講吓文科有冇eurocentrism嘅bias,因為佢哋好多都係植根喺西方一啲好elite嘅institutions。例如我地寫essay嘅時候通常都要用英文寫同埋用translatable嘅英文sources等等,但係咁樣會唔會忽略咗其他非西方嘅methodologies,例如係口述歷史/用其他語言寫嘅歷史嘅重要性? 我幾鍾意嘅其中一個module叫Electric Cities: The Experience of Modernity in London, Melbourne, New York and Paris,簡單嚟講係一個comparative study of urbanisation in the 19th century。咁我地就係讀呢啲唔同城市點樣經歷urbanisation。而我地當中會研究international migration同rural-urban migration,同埋睇吓唔同population對於突如其來嘅改變所作出嘅反應。我覺得最有趣嘅係可以比較倫敦同紐約對於ethnic migration嘅反應。例如喺New York嘅ethnic migrants會喺美國東邊到建立咗一啲ethnic enclaves,例如係大家都聽過嘅Little Italy同Chinatown咁。總括嚟講,呢個module會讀到一啲cultural同spatial history,同埋呢啲都係好貼地嘅,因為同我而家眼前見到嘅嘢有切實嘅聯繫。 另一個我好鍾意嘅module係講關於英國/倫敦喺slavery age入面嘅參與。你地應該比較少人知道其實英國以前係有積極參與販賣奴隸,而City of London更加有slave trading嘅場地。所以我地都有field trip去睇吓City of London入面嘅有關嘅雕塑,分析吓啲藝術品同埋諗吓英國政府應該點去作出賠償。呢個module嘅有趣之處就係可以俾我親眼見到現代社會點樣受我地嘅understanding of history所影響。 歷史呢科對你嘅影響? 我覺得hist教識咗我點樣去分析people, time同place之間嘅關係。例如我地會去研究 to what extent was WWII caused by factor X? 咁我就可以應用同一樣嘅skills同framework去了解同分析我嘅生命,反思吓一個經歷點樣影響到我、我對於一個經歷嘅睇法點樣隨住時間而改變等等。 呢科都俾到我好多analytical framework去了解我自己嘅其他方面。例如我地會讀到national identity,而我就可以用同一個框架去諗to what extent are our national identities imagined and social constructs。 收生/成績要求 DSE: 中文、英文、數學、LS:4|選修科:555 IELTS (academic): Overall 7.0, 每個subset至少有6.5

英國留學心得- KCL History | 讀完歷史但做business?同中學嘅歷史有咩分別?