英國留學- 生活篇⁣ | 理想VS現實⁣ | 冇熱水沖涼?!

英國嘅教育我真心覺得係好嘅,但如果你話喺呢邊生活嘅話,我就完全唔見得有幾好🙈 (除咗空氣好好之外lol💨) ⁣ ⁣ 1️⃣ 有時沖涼會冇熱水⁣ 之前黎倫敦旅行嘅時候,都覺得呢到係一個幾發達嘅城市,生活水準點都有番咁上下掛。但點知單單係Term 1就經歷咗兩次冇熱水 (唔知係咪個宿舍比較舊,日久失修定點...)。就算有熱水供應,佢d水都完全唔係熱果隻🥶 原來有得沖熱水涼已經係咁幸福同奢侈嘅事... 希望出年租咗屋之後就唔會再有呢個問題啦😭⁣ ⁣ 2️⃣ 治安唔好⁣ 其實我住喺central london理應治安已經係成個英國比較好,但我自己平時出街都會覺得幾唔安全吓。呢到有好多人會光天化日喺條街都踩住架單車搶你部手機...未嚟之前聽人講關於呢樣野嘅時候我自己都難以置信,但黎咗呢到就聽見好多朋友都經歷咗畀人偷野 (touch wood好彩我冇試過)... ⁣ ⁣ 3️⃣ 交通好一般⁣ 呢到tube本身一程嘅價錢已經唔平,佢嘅質素仲要好一般。車廂入面好窄,然後又唔知點解成日有d怪人出現😨 仲要喺大站拖住個喼都有可能要搬樓梯😫 而巴士就好dd嘅,但都幾舊吓(同香港冇得比)。我試過搭搭吓個司機就叫我地所有人落車(完全係冇原因lol),結果我行路去咗我嘅目的地 (聽人講好似可以喺原地等另一架巴士嘅,但趕時間起黎真係會激死)。

英國留學- 生活篇⁣ | 理想VS現實⁣ | 冇熱水沖涼?!