英國留學 FAQs 常見問題 | 學費、生活費幾多?幾時考IELTS?

1. 學費💰 大家都好關心去英國讀書嘅學費😂 咁我一年學費就要港幣大約26萬。UCL好似比較貴少少因為佢連埋field trip嘅洗費,平均黎講如果讀geog嘅話其他大學大約21-22萬,而其他科有d平d有d貴d。 2. 生活費💸 我住緊嘅宿舍因為ok近學校(15-min walk), en-suite (有自己嘅廁所)同self-catered嘅。我而家每個禮拜嘅租金係大約2500港幣,我見我有d朋友如果住得遠d租金可能就1000尾2000頭咁。如果想住平d就可以揀shared bathroom, 遠d嘅location (要搭車番學), self-catered同twin room。至於其他洗費夾夾埋埋,平均一個月我會洗4000-6000港幣不等。我自己都唔算大洗,冇話經常出去食飯咁。 3. 畀offer睇咩成績?考咩試?個grade要高過requirement定點? 主要睇你DSE predicted grades同其他你可能已經考咗嘅試 (我嗰時就考咗IGCSE同IELTS)。值得一提嘅係,IGCSE唔可以代替DSE/ 佢地嘅A-levels,佢只係畀admission officers多一個參考。如果你真係想考一d試代替DSE,我身邊都有朋友自己自修然後考A-levels/ IAL。而IELTS如果自己未準備好考/ 考得未如理想,可以等佢出咗offer畀你再考都未遲。咁實情佢每樣野睇得幾重我就真係唔係100%清楚。我自己就覺得meet倒requirement係基本,如果高過當然好,但如果係啱啱好嘅話佢都應該會考慮埋你個Personal Statement。而IELTS我個人就覺得meet倒個requirement就ok,唔需要特別高分。 4. 面試 Geog呢科大部分學校都冇面試(除oxbridge),所以好睇你嘅personal statement, 成績同你老師封reference letter~因為我自己未經歷過。所以其他面試嘅野我都唔太清楚,淨係知可以skype interview/真係飛過去in咁。 5. 難唔難適應當地環境? 首先講accent,我自己就覺得我d professors嘅British accent唔係真係咁重😂 我有d professors都唔係黎自英國,所以都ok~之後有人問我社交方面嘅野,的確好多時Asians係會同番Asians一齊,而外國人就自己一堆。主要嘅原因唔係歧視,而係可能大家culture太唔同,同埋外國人比較"癲"少少,好鐘意玩玩吓,所以大家未必傾得埋,最多都係做個同學傾幾句咁。我自己覺得一開始最難適應嘅係d內容嘅深淺程度。你會覺得自己好似去咗另一個世界😂 但過咗2個月之後我都適應得7788。唯一我未適用倒嘅係呢到成日落雨嘅天氣...同埋d野食in general💩

英國留學 FAQs 常見問題 | 學費、生活費幾多?幾時考IELTS?