英國讀Law懶人包 | Personal Statement + LNAT Tips | 點揀大學?| 喺香港同英國讀Law嘅分別!

好感激 @kcl.pass 主動同我講話可以幫手share關於KCL Law同埋一啲喺英國讀law嘅資訊🧡好似係我收過最長嘅分享文😱 所以會分兩個posts出!好多謝佢地~ 有意/將會去KCL讀書嘅, 記住follow佢地呀🔥 以下係佢地嘅自介👇🏻 Hello 我地係 KCLPASS! PASS 全名係Public Awareness and Social Service, 係香港人成立嘅soc, 大部份英國嘅大學都有! 成立嘅目的係推動學生積極接觸、了解同埋參與公共事務以及義工籌款活動! 我地不時都會舉辦有關學業、就業以及聯校嘅聯誼活動~ 如果有興趣知多啲, 可以follow同埋dm我地 @kcl.pass :) 1. 關於Law嘅Personal Statement 想讀Law, 但又唔知點樣開始寫PS? 1. 搵翻你有興趣嘅topic area屬於法律邊個branch Eg法治呢個topic主要關Constitutional Law 同Jurisprudence事。 2. 按興趣搵書嚟睇 大學預期你喺Law PS提及起碼1-2本Law相關嘅書, 因課程重視學術見解多過實習經驗。除咗 ‘What about Law?’, ‘The Secret Barrister’, ‘Letters to a Law Student’ 比較大路嘅書,由於當時我嘅興趣係Jurisprudence嘅其中一個sub-topic,所以就自己上網做research時留意被cite嘅書籍。所以,我推薦例如Law and Morality 呢種sub-topic,可以由淺入手,又可以保持學術性嘅討論,比較易喺PS到寫。同埋唔使擔心一定要睇哂本書,可以抽幾個重要或啱用chapter嚟讀! 3. 無從入手嘅,可以考慮以下書籍: Paths of Justice by Johannes Chan (較為易讀; 可以用入面提及過嘅case或者 law principle再深入了解一個law area) Palgrave’s Great Debates in Law: 雖然係大學level嘅書,但你可以揀翻你有興趣嘅topic area個本,尤其對準備面試有幫助。 有關legal system嘅書: 有助你探討三權分立嘅概念,實行方式等 4. 其他閱讀資料 時事/民間法律社論 (香港英文報章、Facebook/Instagram相關嘅專頁)、Law Blogs、Journals 5. 活動: 除咗參加辯論, mooting, Law society,仲可以去... Court visit, marshalling 事務律師所實習 Course: CUHK summer institute, Oxford UNIQ, Cambridge Sixth form law conference, law masterclass, K+ (KCL) Online course: Coursera (eg ‘Introduction to English Common Law’) Essay competition (唔一定要關Law嘅essay competition! 例如我參加過一個有關經濟嘅徵文比賽, 我就study一個國家嘅rule of law同經濟發展嘅關係同影響) 6. 參考PS寫法嘅網上資源: The Student Room, The Lawyer Portal 2. 點操LNAT? 搵練習操翻嚟嘅:真係越做越多越好,記住要係時間限制咁。如果經濟負擔到,可以使用收費嘅平台(eg Arbitio),否則網上都有些少免費問題庫,或者買二手LNAT書/借書。 LNAT MC 部分比較似verbal reasoning test,不過我覺得做翻正統練習好啲。 LNAT essay點算?上網搵English debate resources!!! 一系列嘅Debate motion 同LNAT essay topic coverage相同,資源包仲包括Pros and cons 清單、數據資料、延伸閱讀等。同時可以參考Debate script嘅用字,persuasion skills,結構。 更好嘅就係盡量收集LNAT essay題庫,自行分topic,再做時事research。 3. 點揀大學? Law其實間間大學都係同樣教法: Lecture, Tutorial, Seminar… 教嘅course差唔多, 咁究竟點揀? 1. 5個位入面, 保守嘅可以放1-2個唔需要LNAT嘅大學 Eg Cambridge 用CLT;Warwick, Queen Mary就唔需要LNAT。 2. 如果計劃做律師,切記檢查係咪Qualifying Law Degree! 3. 研究Subject Requirements: 嗰間大學嘅Law Course點樣衡量你LNAT成績: 只係MC, 較重視essay, 定係兩part都一樣被咁多emphasis?再對番以往offer holders嘅LNAT stats。Play to your strengths! Offer包括邊一科嘅成績?例如Chinese A-Level ,Further Maths A-level Offer requirement較低嘅 combined degree Law foundation courses 4. Combined Degree 除UCL,KCL等有提供同HKU,CUHK 嘅combined law degree,可以考慮 Law with… 你有興趣嘅科,可能對將來搵工都有用: Law with History, Law with Business 其他國家嘅law degree: 例如Sheffield有Law with Chinese Law, 大部分大學有Law with French Law/Spanish Law Law with a specialised Law area: 例如Southampton出名Maritime Law, 所以設有個course叫 Law (Maritime Law) LLB。KCL 都有 Law with Transnational Legal Studies LLB。 5. 其他因素 Law professors: 每間大學都有唔同law topic area嘅leading professors, 可以因應你嘅興趣揀。有得同textbook作者係lecture或tutorial交流, 係咪好正先? Optional course list: Optional course availability都好重要, 比較專嘅科可能得某幾間Law school先有。喺倫敦幾所大學讀law,你都可以報讀自己law school冇但係第二間有嘅course! Law society: 好多人話係倫敦讀law多career events---其實大學嘅law society都好重要! 因為佢地越積極, 學生就越多機會接觸有關career development嘅機會! Stats: Student satisfaction, class honours division percentile, employability 6. 搵適合你學習模式嘅大學 除上述提及嘅因素, 都可以留意一下你想揀嘅大學嘅open day,感受吓環境,體驗教學模式。同時,可以留意吓大學係咪需要學生額外讀非law-related course,或者某些科目,例如Jurisprudence, Roman Law, English Legal System係咪必修??大學給予法律學生嘅資源,設施足唔足夠?有冇特別待遇 (法律圖書館,近年翻新嘅教學大樓)?法律考試嘅模式係每學年年尾先大考,定係有Coursework option,比重又係幾多?再去作出適當自己學習模式嘅課程同埋大學。 4. 喺英國同香港讀Law嘅分別 利申: 本人冇喺香港讀過Law, 以下唔一定係準確嘅觀察,只係聽分享再作少許分析,有疑問可以就以下嘅因素自己上網作比較。 英國嘅tutorial, seminar比較多討論嘅機會,特別係非課程需要,脫離textbook嘅points in law,課程內容亦會跟得上有關法律嘅新進展。例如KCL 嘅seminar係探討更學術性嘅爭論,比必修課程更深入,累積嘅知識係幫助coursework嘅。又例如上年喺我考試前幾日,有個新case overturn咗個precedent,我地就要即刻自己了解埋呢樣嘢。英國 Brexit,我地都係照貼住新進展咁學。 香港讀Law仍可以讀埋唔關Law嘅course,英國讀Law就只係讀Law。LLB課程香港要讀4年, 英國只需3年。 英國讀Law大部分都係closed-book exams。 英國讀書普遍唔多exchange programme。 英國讀Law,但計劃香港執業,需要自行喺香港考 conversion exams。 英國係Common Law 發源地。英國好多Law school歷史悠久,professors都係世界領導嘅學者。能夠了解英國嘅歷史文化,對明白法律規條、案件嘅發展同變化係好有用!

英國讀Law懶人包 | Personal Statement + LNAT Tips | 點揀大學?| 喺香港同英國讀Law嘅分別!