香港 HK VS 英國 UK | 香港長大嘅英國留學生話你知兩地文化差異/ 生活習慣嘅不同之處 !

1. 呢到d人無酒不歡🍺 我都唔知點解呢到d人咁鐘意飲酒😂係可以朝頭早已經飲緊。而近傍晚嘅時候d酒吧就會勁多人,多人多到會企喺個bar門口飲酒lol 2. 呢到好多地方冇閂𨋢門🚪嗰個制 呢樣野其實如果有黎過英國嘅都應該會察覺倒😂但我都係而家先可以習慣倒。作為一個香港人,已經習慣曬急促嘅生活習慣,所以黎到呢邊一時之間唔習慣都好正常💩 雖然佢冇閂𨋢門嗰個制,但通常如果按咗你去幾樓嘅話度門就會知道要閂😅 3. 呢到唔興lunch/ tea/ dinner set 佢呢到通常都要分開叫頭盤、主菜、甜品同飲品💸💸 作為一個學生,我就覺得分開咁逐樣逐樣叫真係好貴,完全唔抵😭 所以我真係好掛住香港d餐廳呀!性價比超高lor😍 4. 呢到用硬水 唔知大家有冇留意,香港用緊嘅係軟水,而英國用緊嘅係硬水。硬水有咩唔好?好傷頭髮😢😢 5. 呢到d人會直接飲水喉水 雖然呢到d水喉水係真係可以飲嘅,但我都唔係幾放心😂 我至少要過濾咗先會印或者就直接煲滾佢再飲。 6. 呢到好少人用現金 我黎到呢到之後幾乎冇用過現金,因為用contactless嘅debit or credit card/ apple pay實在好方便,佢周圍都會接受呢個付款方式。Contactless嘅debit card好似仲可以當八達通咁周圍搭車😮 7. 呢到有好多學生優惠 對我黎講,呢到d野相對香港黎講係偏貴嘅。但好在佢都有好多學生優惠,而且仲係喺衣食住行方面都有優惠架!你下載unidays同student beans就會有一大堆優惠。又或者你平時留意吓d餐廳,佢地好多都有提供學生優惠架。不過,我覺得我唯一最唔滿意嘅就係佢張student oyster card🧐 我本身冇睇清楚以為佢同香港嘅學生八達通一樣,誰知原來佢係原來買travel card先有30% off,而且整張卡嘅時候我仲要畀20磅手續費... 8. 呢到嘅tube冇wifi/data 如果約人喺tube入面等,要用最原始嘅sms先得(不過有時都可能會send唔倒🤦🏼‍♀️)。同埋如果自己一個人搭車去遠d嘅地方嘅時候真係會無所事事😂 所以,呢到d人好多都會選擇睇書😱

香港 HK VS 英國 UK | 香港長大嘅英國留學生話你知兩地文化差異/ 生活習慣嘅不同之處 !