香港Archi入學分享 | HKU Archi, HKU Landscape Archi, CUHK Archi申請程序同面試問題!

今次搵咗我嘅💁🏻‍♂️分享吓一hku archi+landscape archi同埋cuhk archi嘅入學心得~ 希望幫到之後有意報讀archi嘅朋友!⁣其實我唔知而家post啱唔啱timing哈哈,不過既然寫咗就想出比你地睇,覺得有用可以save住先~ p.s. 佢係經non-JUPAS入嘅,所以可能同JUPAS嘅有少少出入,但都可以當做一個參考🔥 另外,而家暑假其實就可以開始搞個portfolio㗎啦~因為畫畫呢啲嘢好難last min!就算唔開始畫,都應該brainstorm吓🧠! HKU BAAS Architectural Studies JS6004 1. Portfolio HKU archi需要你交portfolio嘅。Portfolio入面可以放自己唔同類型嘅作品,嗰啲係畫或者graphic design等等。有讀DSE VA/ IB Design & Tech/ IB VA嘅,都可以放自己過往啲作品落去~ Tips:畫得靚固然重要,但更重要嘅係你幅作品背後所帶出嘅意思。 補充:HKU Archi今年 (2020) jupas in話唔收portfolio 2. Aptitude exercise (能力傾向習作) 呢個exercise主要用嚟評估吓你對archi呢科嘅興趣同埋能力。HKU嗰時要求我3日內做完,之後用pdf send過去同埋郵寄過去。 個exercise就係要你讀一個short story然後畫畫,可以自由發揮。你要畫十幾幅畫整成一個portfolio咁,fyi我啲畫嘅排列係in chronological order嘅~ 我嗰次仲要整2個實體嘅cubes去講解嗰個story,之後影返幅相當係portfolio其中一幅畫。 另外,佢會俾幾幅畫/相俾你自己揀一幅,之後你就要再加嘢落嗰幅嘢到。 Tips:如果你想知道同熟悉吓個模式係點,你Google一下就會見到HKU upload嘅一個aptitude exercise。 3. Interview 嗰時我係有2個人 (外國人) in 我1個人,過程大約20-25 mins。 4. 佢地問咗嘅問題 (我係non-JUPAS嘅,但啲問題問嚟問去應該都係呢啲,可以prep定先): 介紹吓你個aptitude exercise(你畫咗啲咩、你覺得邊個artwork最outstanding) Inspirations behind your artwork(個故事點樣啟發你畫嘅嘢/俾靈感你) 點解想讀archi呢一科? 點解想喺HKU到讀archi? 有冇呢一個field嘅相關經驗?例如有冇做過creative work? 你想喺呢一個degree入面學到啲咩? 有冇問題要問? Landscape Architecture JS6028 同architectural studies唔同,呢科唔需要做aptitude exercise。而Portfolio都係需要嘅,入面要replicate人地嘅作品,至少畫一幅creative work。咁我當時就畫咗5-6幅~ 1. Interview 正常嚟講係group interview,但嗰時我細佬唔得閒所以轉咗做skype嘅1-1 interview。咁嗰次個1-1 interview嘅過程就大約20-25 mins。 2. 佢地問咗嘅問題: 自我介紹 (大約1分鐘) 點解想讀呢科? 你覺得呢科同你有咩關係? 你對呢一科有咩認識? 有冇問題要問? CUHK BSScAS Architectural Studies JS4812 需要portfolio,個aptitude exercise CUHK唔會俾個email你叫你做,係自願性,要自己上佢個校網下載來做。 佢都有interview,我嗰時係2個人 (香港人) in 1個人,過程大約20-25 mins。 佢地問咗嘅問題: 同HKU嗰啲差唔多~ 佢都有問我有冇visit過CUHK呢間大學?🤣 我好誠實咁答咗冇哈哈 同場加映:成為建築師之路 對archi冇興趣嘅真係唔好揀嚟讀🤭

香港Archi入學分享 | HKU Archi, HKU Landscape Archi, CUHK Archi申請程序同面試問題!