(英國)大學生讀書必備嘅工具 | 想輕鬆計自己咩honours?想搵papers加落bibliography?

知道大家都可能趕緊papers,所以今次會繼續介紹一啲可以幫到大家手嘅工具🔧 希望可以齊齊過3爆4🔥 GradeGuide 英國大學唔似香港咁計GPA,佢只係會根據你拎到嘅%再計算你係屬於咩honours。但因為通常每年嘅weighting都唔同,而且module入面仲有唔同weighting嘅components,所以要計自己拎到幾多%都幾麻煩!咁呢個網站就幫到你啦!只要入晒自己所有grades之後,佢就可以幫到計到你而家嘅%。佢仲會計埋你之後嘅average需要係幾多先達到你aim緊嘅% ~ Connected Papers 只要你喺呢個網站到輸入一份paper嘅名,佢就會自動幫你搵埋其他類似嘅paper,然後用一個graph嘅形式顯示俾你睇,等你可以一目了然。當你click任何一份paper嘅時候,你都可以即時喺Semantic Scholar/ publisher page/ Google Scholar到睇番篇文,非常方便。 另外一個我覺得幾有用嘅功能就係佢可以俾你check到prior works同derivative works。Prior works即係一啲喺你個topic/ field好重要嘅papers,而嗰啲通常年代都係比較久遠嘅。而derivative works通常就係literature review或者係一啲cite咗好多個graph入面顯示嘅papers嘅paper,普遍嚟講都會係比較近代嘅。 CopyClip 呢個app好似得Mac機先有,不過其實我見有好多同類型嘅app都可以做到同樣嘅功能。 呢個app簡單嚟講就係可以俾你睇番你之前copy/ cut咗啲咩,咁當你突然想搵番嗰啲record嘅時候,就可以輕鬆做到,唔使再去搵個網站再copy多一次~

(英國)大學生讀書必備嘅工具 | 想輕鬆計自己咩honours?想搵papers加落bibliography?