2020 HKDSE 中學文憑試放榜前準備|UCAS及JUPAS必睇攻略|失手點算?|適用於2021/22/23 DSE

1⃣️ UCAS 你應該睇多次你firm choice同insurance choice嘅conditional offers,喺一個document入面list返曬嗰兩間大學對每科嘅要求,費事到時放榜緊張到亂曬。 另外,你可以事先睇埋你間大學係想你點submit啲HKDSE成績俾佢,如果唔清楚個安排,就應該email間大學問同埋搵埋中學負責嘅老師溝通清楚。你要知道間大學(1)係想你經網上遞交定郵寄個成績過去,(2)係要自己定係間中學send個copy俾佢,同埋(3)佢地淨係需要一個copy定係一個certified true copy (certified true copy應該係有學校個校印同校長個簽名)。 如果你覺得自己某科會差少少先meet到你個offer (一個level) ,可以寫定封求情信解釋吓自己點解失手、post-exam period做咗啲咩有用嘅嘢等等,再搵埋相關嘅email同地址mail去~ 當然,我希望大家都用唔著封信啦。不過如果你事先準備定嘅話,到時真係需要都唔會咁怯。補充多句,我都有聽人講過話可以直接打俾間大學傾,不過詳情我就唔知係點,大家可以上網再search吓。 最後,如果大家真係好唔好彩miss曬firm同insurance choice嘅offers,可以選擇用UCAS clearing。其實由7月6號至10月20號,你都可以用clearing apply一個course。不過記住,用clearing需要符合以下嘅其中一/幾項: 你6月30號之後先apply 冇大學俾offer你,或者有大學俾offer你但冇一個你係想accept嘅 你meet唔倒啲offers 你喺UCAS Track到撳咗 ‘decline my place’ 個制去decline你個firm place 2⃣️ JUPAS 可以諗吓自己喺唔同情況下JUPAS Band 1會排啲咩choice。唔同情況包括 (1) 自己意外地考得好、(2) 正常發揮同 (3) 失手。計算自己嘅分數嘅時候除咗留意佢係計4C+2X定Best 5之外,都需要留意返啲大學會落嘅weightings同埋摘星會加嘅額外分數 (e.g. level 5=5.5分)。然後,你再對比返歷屆嘅收生分數同情況。 我嗰時真係唔係咁著重JUPAS方面嘅嘢,所以我做嘅嘢都係得咁多~ 大家參考吓就好啦!

2020 HKDSE 中學文憑試放榜前準備|UCAS及JUPAS必睇攻略|失手點算?|適用於2021/22/23 DSE