3樣上到大學你會發現嘅事 | 少年你太年輕了

又到geogaholic 9up嘅時候~ 今次想同大家講吓3樣上到大學你會發現嘅事。最後想喺到奉勸各位dsers珍惜中學生活哈哈,中學嘅時候真係少好多煩惱/少啲嘢要兼顧~ 1. 好多人都深藏不露 上到大學,你會發現身邊總有一啲好深藏不露嘅人。雖然佢哋表面上好似玩吓玩吓,好hea咁,但佢哋其實讀書唔單止好勁,而且又secure到好好嘅spring weeks/ internships~ 啲人就話大學要玩盡佢,但我覺得大家都需要現實啲諗吓自己嘅將來,把握好機會豐富自己嘅CV,唔好之後先嚟後悔。大家盡量喺享受u life同豐富CV之間搵個平衡點啦! 2. 識人好過識字 雖然大學未必識到好多真心朋友,但其實識人仍然有佢嘅價值。我覺得大學係一個好好嘅地方畀你去建立professional嘅connections!而呢啲connections可以透過上莊、參加比賽同埋join唔同network嚟建立。有時唔係一定話自己個profile好靚先可以拎到好多機會,反而你識落嘅人話唔定可以畀到機會你/refer你畀其他人識! 3. Freerider大有人在 以為大學生會成熟啲同負責任啲?大把人仲係會好厚顏無恥咁freeride㗎!我自己覺得freeride嘅人雖然可以話係不勞而獲,但佢哋同樣令自己失去咗一個學習機會。不過講真職場都可能有咁嘅人,你都奈佢唔何。做好自己就算~

3樣上到大學你會發現嘅事 | 少年你太年輕了