4個對外國留學生嘅誤解 | 為各位留學生平反!

1. DSE考衰咗先去外國留學 唔知點解好多人覺得去外國讀書就係因為你DSE失咗手。無可否認,有少部分係因為咁而走咗去外國讀書,但其實仲有一班人為咗去外國讀書都努力咗好耐㗎,係佢地一直以嚟夢寐以求嘅目標。好多人都係因為外國啲大學排名高過香港、喺嗰科投放嘅資源更多、教學模式比較啱佢哋嘅學習模式而選擇去留學,可以話係另一類「投資」。 2. 去外國讀書好Hea唔使讀書 雖然外國嘅上堂時數可能少過香港,但其實好多時自己落堂之後都要用多好多時間睇readings、自習、prep seminar同埋做formative (唔計分)+summative assessments (計分)等等。同埋我地英國係偏向上堂時間短啲但intense啲同濃縮啲! 3. 去完英國留學就會有British Accent 其實如果冇刻意轉自己個英文accent,好難一時之間就有British accent㗎~ 當然,如果你好鍾意British accent,當你日日浸淫喺咁嘅環境到嘅時候,其實都會容易啲掌握到British accent嘅精髓哈哈! 4. 留學生一定好有錢 都唔一定㗎,雖然大部分都會係嚟自中產家庭~ 有部分人去外國讀書都係有拎scholarship。就算冇,去外國留學嘅都唔係人人咁大洗,日日出街食高級餐廳,好似去度假咁。

4個對外國留學生嘅誤解 | 為各位留學生平反!