BU Geog浸大地理系JS2610介紹+常見問題 | 同HKU同CUHK有咩分別?| Exchange去邊到?|DSE要幾多分?

繼HKU Geog/Geology同CUHK GRM嘅分享之後,今次終於有BU Geog嘅sharing啦🤩 私心想集齊晒香港咁多間大學嘅geog資訊畀大家🤪 好多謝 @bu_geog_study 嘅幫忙❤️ 好有心解答咗之前我喺story到收集番嚟嘅問題! 課程內容 問:究竟讀啲咩?同HKU/CU Geog有咩大分別? 答:BU Geog有4個programme可以讀: 1)JS2610 - Bachelor of Arts/ Bachelor of Social Sciences (Geography/ Government & International Studies/ History/ Sociology) 2)JS2650 - Bachelor of Social Sciences (Hons) in China Studies (Economics, History, Geography, or Sociology) 3)JS2680 - Bachelor of Social Sciences (Hons) in Geography/History/Sociology and Bachelor of Education (Hons) in Liberal Studies Teaching 4)JS2690 - Bachelor of Social Sciences (Hons) in Geography/History/Sociology and Bachelor of Education (Hons) in Personal, Social and Humanities Education Teaching 呢4個programme你都可以讀到同Geog有關嘅野,唔同HKU同CU嘅淨係得一個programme讀。 另外,BU Geog有4個area要讀,包括:Geoanalytics and Research Practice、Physical Systems and Environmental Dynamics、Urban Studies, Cities and Everyday Life同Regions, Development and Resource Management。喺呢4個area入面,每一個area至少要讀一科嚟fulfill畢業要求,例如學Geographical Information Systems (GIS)、Remote Sensing and Image Interpretation、Geography of Environmental Hazards、Urban Geography、學研究區域性同能源地理學等等。 有興趣嘅可以上呢個網睇下架:http://geog.hkbu.edu.hk/?page_id=739。我覺得BU Geog比HKU同CU讀嘅野會廣泛啲同埋會學多啲實用性高嘅Geog知識~ 關於教學 通常都係lecture加tutorial,lecture就上兩個鐘,tutorial就上一個鐘,有啲科就要做practical或者lab,例如:Earth System: Shaping Landscapes呢科,lab就係要學點睇岩石同minerals同埋點樣可以分到唔同岩石嘅種類。 問:啲professor嘅教學質素係咪差咗?聽師兄講前兩年有兩個教human geog嘅professors退休之後就差晒 答:嗱,我就唔知邊兩個professors退休啦~但我就覺得有幾個professor都教得好好,我又唔覺得教學質素會差好多,例如human geography就有Dr. Barber, Dr. Hao Pu;而physical geography嘅就有Dr. Chun Kwok Pan, Dr. Li Jian Fung同埋Prof. Richard Owen,不過Prof. Owen同Dr. Chun教嘅course就會有啲難度。 考核模式 問:Assignment形式?Chur唔chur? 答:Assignment多數都係以individual essay, tutorial paper, field trip report同exam為主,有啲科都會有group project架~chur唔chur嘅話見人見智啦,我而家year 2讀嘅就唔算係好chur,但之後讀落去嘅就唔知啦~ 問:多唔多group project? 答:暫時我Geog courses都係得一科要做group project,不過多唔多其實都要睇吓想讀邊科,我就覺得普通嘅,因為多數都係做individual essay, tutorial exercise, field trip report同exam。 問:有咩交流活動? 答:Year 3會有一科係field camp,呢一科就係去其他國家實地考察,瞭解當地文化咁。前幾屆嘅field camp有去新加坡、台灣、韓國、馬來西亞、柬埔寨等等。 問:多唔多field trip? 答:今個sem本身有兩科有field trip架,不過唔知會唔疫情要取消,上年有一科geog course都係因為疫情而取消咗,其實我覺得係多field trip嘅,起碼會有一至兩科都會有field trip,讀geog讀都會有field trip架🤪 Exchange BU exchange可以去唔同地方/國家,例如:芬蘭、挪威、比利時、瑞典、丹麥等,呢啲國家有得exchange真係好難得,而讀BU Geog嘅最好就year 3 sem 1去,因為呢個sem淨係讀12 cred嘅free electives courses,如果你去exchange嘅,你喺嗰度讀嘅科可以trans番去bu做free electives courses,不過記得去之前同department head/dean同international office做個consultation呀! 收生/成績要求 過去幾年嘅收生嘅主要分數為20-22分,四科主科加兩科選修科(最低入學要求:332233)。另外,JS2610會係英文呢科乘2倍嚟計總分,數學科延伸部分單元一或單元二可以作為選修科可能會優先考慮。而JS2680會係通識呢科就乘1.5倍。 4個programme嘅課程都要求學生讀咗一年broad-base之後,先喺year 2正式揀major。仲有呢4個programme都唔會有面試安排,但如果想讀雙學位課程(即係讀埋教育學位)而有申請「校長推薦計劃」,就有可能會有面試。 其他常見問題 問:GPA幾高先可以declare geog做major? 答:Declare geog做major唔使睇GPA因為佢有好多位,有54個,所以點都會揀到geog做major。但如果真係多過54個人揀嘅話就要睇GPA分啦~ 問:如果將來想教書,但入唔到JS2690,js2610有冇考教育文憑嘅機會? 答:有呀。讀JS2610同JS2650嘅,而且想將來教書嘅, year 2 sem 2完結之前會收到一封email,就係如果你對教育文憑有興趣嘅就可以向department申請讀「教育文憑」課程,成功嘅會喺year 3至到year 5讀geog同教育文憑,不過要有心理準備嘅就係要讀多一年書同埋會chur好多。 問:如果高中冇讀hist,會唔會好難入JS2610?或者year 1未有major嗰陣會唔會讀得有困難? 答:唔會呀,BU History會喺year 1 sem 1讀一科foundation course,學一啲好basic嘅歷史野,同埋history好多都用中文讀,有好多冇讀history嘅人最尾都會揀咗history做major架~ 出路 讀geog嘅出路其實都好廣泛,可以參考番Geogaholic嘅post,佢都有講過讀geog嘅出路,例如做環保署、NGO、教育、研究、commerce/finance, administration/management, social/community services 同政府嘅public service等等。

BU Geog浸大地理系JS2610介紹+常見問題 | 同HKU同CUHK有咩分別?| Exchange去邊到?|DSE要幾多分?