Biomedical Science懶人包 | 究竟讀咩?出路如何?點樣成為biomedical scientist?

講咗咁多文科,今次就講吓biomedical science🔬,你地都有好多人話想睇㗎!好多謝有follower主動話想分享🥺🙏🏻 究竟係讀咩? Biomedical science (生物醫學) 係一門好focus喺人體健康嘅生物學科,當中包括病理學、免疫學、微生物學、解剖學、生理學、心理學、公共政策、藥理學、藥物管理政策、化驗技術、血液學等等… 讀一啲病理上嘅機制同點樣影響人體,可以話讀晒一個醫科生嘅理論,但冇臨床嗰一部分。間間大學嘅biomedical science學嘅嘢都有啲唔一樣,因為每間大學嘅課程設計都唔一樣同埋好睇大學資源同研究focus。好多人讀完可以升讀vet/ med / PT/ OT等等… 而當中升讀vet嘅成功率都好高。 Biomed呢科亦比life science更加focus喺人體。 p.s. 唔好以為醫學類既科目,一定好有趣,其實讀到上去啲嘢都幾深同乏味,有passion先好諗!面對病人少啲耐性都唔得,醫學類嘅科大多屬厭惡性行業。 讀之前最好諗多幾步! 讀得呢科嘅人係咪都好competitive? 係,因為啲人入得biomedical science都會用嚟做踏腳石,之後再進修其他課程。入得biomed個個都chur、高GPA,搞到個氣氛好competitive。 讀書tips? 同你嘅同學做朋友,可以share notes,一齊溫書,互相支持,操past paper。溫解剖學嘅時候,可以畫啲structure出嚟幫你記得好啲。 出路? 好多,可以做: - Medical sales (賣醫療器材,藥物俾診所) - Researcher (大學研究人員) - Forensic science (法證人員) (唔係法醫) - Lecturer (大學講師) - Legal counsellor (藥物管理人員) - 進修 (Med, Vet, Pharm, PT, OT, music therapist … ) 點樣可以喺forensic lab到做? 香港政府化驗所嘅opening好少,可以試吓自己去啲私人化驗化所到問 (首先要攞牌先)。 點樣註冊成為biomedical scientist? Biomedical scientist同medical laboratory scientist唔一樣,但有overlap。 Biomedical scientist主要喺大學教同做研究。首先,你喲讀完一個bachelor of biomedical science先,之後再讀master (master 要揀一個specialty去讀(e.g. virology)),最後再讀4 年 PhD。完成咗PhD 你就係biomedical science in (你個specialty)。 Medical laboratory scientist (醫療化驗師),所有嘅人體體液都有機會接觸 (e.g. 屎、尿、血液、濃、痰等等)。首先讀完一個bachelor of biomedical science or medical laboratory science。去Medical Laboratory Technologists Board,填form申請。如果你合資格佢地會聯絡你。開頭係二級醫療化驗,升級就睇經驗年資。 聽過有啲人攞海外學歷,註冊時要考試,詳情可以上協會網站查詢! Year 1/2 點搵相關嘅internships? Year 1/2 比較難搵internship,但volunteer work or no payment嗰類工作比較容易搵。可以問吓高一級嘅同學或者自己send email 去啲lab問,亦可以問吓professor (好睇自己興趣) 。 Undergrad有冇機會跟professor做研究? 有,work with professor好睇自己興趣同埋個professor做緊啲乜研究。只要你肯主動同professor傾,揾到嘅機會都大。最緊要主動! 我出年會讀呢科,可以點預習? 建議大家可以開始預習一下生理同解剖學。我讀嗰陣用啲想像力都覺得好難讀,因為呢兩科讀嘅唔係單純肉眼觀察就可以理解到,好多時都要用想像力同空間感,先理解到肌肉既位置同生理嘅結構。

Biomedical Science懶人包 | 究竟讀咩?出路如何?點樣成為biomedical scientist?