CUHK Earth System Science 中大地球系統科學 JS4633/ JS4601 FAQs | 兩個stream分別讀咩?好需要數理底子?

千呼萬喚嘅CUHK Earth System Science分享終於出爐啦🔥 喺到要多謝番 @jommmmii_hokkaido 咁詳細嘅分享🥺💖 希望個post解答到大家嘅疑問啦💡 下次會講埋啲出路,敬請期待😆 課程內容 問:ESSC係乜野嚟? 答:地球系統科學 Earth System Science 顧名思義係將地球以一個系統咁去睇,包括大氣圈(atmosphere)、水圈(hydrosphere)、冰雪圈(cryosphere)、岩石圈(geosphere)同生物圈(biosphere)等系統(spheres/subsystems)之間嘅interactions同feedbacks。地球系統科學係一門橫跨例如氣象學(meteorology)、海洋學(oceanography)、地質學(geology)等傳統學科嘅新課程,而中大ESSC嘅課程理念係希望可以培育到同學具備對基本理學(phy chem bio)嘅基礎、包含computation同statistics嘅quantitative skills,同對地球系統嘅知識。 中大ESSC仲有分兩個stream,大氣科學atmospheric science同地球物理geophysics。Atmospheric science主要focus係atmosphere、hydrosphere同biosphere嘅動力學同化學,例如有大氣動力學、大氣化學、海洋學、氣候學等等;geophysics主要透過重力gravity、電磁力electromagnetic同地震波seismic methods去研究地球,例如有岩石學、地震學、地貌學、地質學、火山地質學、水文地質學(都同hydrosphere有關!)等等。 另外我地ESSC嘅major requirements裡面好好plan過的話係可以直接順便minor埋physics,亦有啲同學會minor其他science科例如stat。依家好似仲有double major ESSC+physics嘅選項,有老師可以安排到一份final year project fulfill曬兩邊嘅畢業要求。 有興趣可以參考中大ESSC主頁嘅introduction,有更詳盡嘅介紹: https://www.cuhk.edu.hk/sci/essc/intro.html 問:兩個stream分別會讀啲咩? 答:兩個stream分別有自己嘅必修科,但冇course係規定只可以某個stream嘅同學讀,所以有啲勁人係乜course都讀晒;有stream同冇stream最大分別係必修university physics、同stream相關嘅ESSC科同ESSC向multivariable calculus+linear algebra嘅math course,亦要求讀多啲4字頭(advanced)嘅科。Atmospheric science相關必修有atmospheric dynamics, ocean and climate;Geophysics有structural geology同physics of the earth. 問:個課程會係關於climate定weather多啲? 答:感覺上會偏climate啲,weather/meteorology嘅內容暫時比較少(希望之後會出現多啲新course)。個人認為其中一個原因係atmospheric science都由比較large scale嘅野睇起,所以開頭都係讀啲大型circulation同weather systems比較多。同埋感覺比較似係學how things work咁。 問:JS4601 (Science)同JS4633 (Earth System Science)有咩分別? 答:Broad-based入仲可以轉揀其他major,同埋低分啲;declare咗ESSC的話仲可以選擇齋ESSC(general stream),或者同4633一樣declare atmospheric science/geophysics stream。 4633直入的話要高分啲,要揀stream(聽聞仲有drop嘅選項),可以讀fast track,但其實ESSC裡面幾時reg咩科除咗有prerequisites之外冇乜限制,所以就算broad-based嘅同學都可以跟fast track咁讀。基本上個人認為讀書方面分別唔大,大部分資源上因為入學potential major寫咗ESSC的話都會擺你係mailing list同俾advisor你,但有啲scholarships淨係俾一入來已經係ESSC major身分嘅同學,所以如果高分(大概28+?)建議揀4633。 問:如果由broad base science入去會唔會好難? 答:其實就冇聽過符合咗最低要求都declare唔到major(例如某啲科要最低C range之類),所以唔需要擔心。(我係4633直入所以唔清楚) 問:係咪好需要數理底子? 答:都算係;Atmospheric Science stream嘅需求可能會比較大;geophysics就睇你選擇邊範,例如petrology的話唔需要太多數底,但大家同樣需要一啲物理根底。 問:冇讀phy/chem/bio/science經JS4633入去嘅話會唔會好難適應? 答:可能會,因為ESSC好需要phy同數底,year 1要追番好多basic嘅phy同chem可能會比較麻煩,始終理科係需要時間吸收嘅。 問:同DSE Geog學過嘅嘢有冇關係? 答:(我冇讀DSE Geog)聽同學講係得geological structures (faults嗰類野)同weather and climate有掂到少少;但基本上關係唔大,因為DSE Geog偏human同吹水,ESSC係睇數理同logically解釋一啲processes。 教學 問:多唔多field trips? 答:Geophysics嗰邊會多啲,唔只係香港,去台灣嘅都有! 收生 問:Interview大約會問咩同埋係咩形式? 答:我當年係group interview,各自自我介紹完抽一條相關嘅題目討論,但聽聞呢幾年都改緊模式,不能作準。 問:DSE放榜後(夠分入)先放番上Band A大唔大機會入到? 答:放榜後先擺唯一嘅分別係冇interview,但只要你本身係夠分嘅其實有冇interview都冇分別。

CUHK Earth System Science 中大地球系統科學 JS4633/ JS4601 FAQs | 兩個stream分別讀咩?好需要數理底子?