CV求生包 | 大學生/ Fresh Grad必備!

既然大家咁鍾意呢個系列,一於就唔好等佢停🔥~ 今次講吓關於CV嘅嘢!不過戴定頭盔先,呢啲都係我個人嘅小小心得,如果大家有咩補充歡迎留言! 簡介 CV通常係1-2頁,一定唔好超過2頁。基本嘅就放啲個人資料,包括名、email、聯絡電話同LinkedIn profile url (最好喺LinkedIn到personalise咗條link先,例如用自己嘅last同first name)。之後可以放自己嘅education、相關經驗、其他經驗、skills同languages等等落去。Education呢個section唔一定放先過你嘅經驗,如果你嘅經驗比較多,呢個section可以放先。另外,如果好似我咁喺英國讀大學冇GPA個數字,可以寫自己expected個degree classification, e.g. Year 1: First Class Honours (expected)。 CV要度身訂造 最緊要睇清楚job description,清楚了解番間公司想請咩類型/有咩skills嘅人,然後就喺你原有嘅CV到再改吓啲字眼/加番啲相關嘅經驗落去。如果你唔係好清楚點樣去形容你自己做咗啲咩,可以上啲搵工網到 (e.g. JobsDB) 搵番相關嘅職位,然後參考吓人地嘅description點寫。點解呢一點咁重要?好多大公司都採用Applicant Tracking System嚟作一個初步嘅篩選 (尤其是你經一個系統去上載CV)。如果你CV入面嘅字眼唔中佢本身系統入面set好嗰啲,最後meet唔到一個指定嘅percentage嘅話,你就已經會俾人篩走! 再者,你都可以用STAR呢個方法幫你去諗,S- situation, T- Task, A- Activity (用action verbs,上網google有大把), R- Result (如果可以嘅話,就用數字去quantify可以增加說服力) (p.s. 呢個技巧interview都用得著㗎!) 我自己就用point form嘅~ 見微知著 Small things do make a difference!著重細節好重要㗎!細節包括啲咩? 請確保你嘅tense, punctuations, symbols, font size, text alignment等等都保持到一致性! 另外,margins唔好太窄或者太闊,盡量喺一個正常嘅範圍入面。 你CV入面寫上嘅email都應該係正常嘅,唔好畀一啲個名好奇怪嘅email,再唔係自己用自己first同last name開個新嘅正常email! 最後,就係個file name啦!正常嚟講個file name都應該係 first name_last name_position you are applying for (optional)_CV ,記住淨係好用「_ 」或者係「-」去代替space。

CV求生包 | 大學生/ Fresh Grad必備!