DSE免費英文學習資源推介⁣ | 學好英文唔一定要補習!

好耐之前出過類似嘅post,同大家推介咗Online Oxford Collocation Dictionary,好開心好多人都覺得有用🔥。今次再同大家推介多兩個,呢兩個我自己都有睇過㗎~⁣ ⁣ 1⃣️ Cambridge Dictionary- Grammar > Easily confused words⁣ https://dictionary.cambridge.org/grammar/british-grammar/easily-confused-words⁣ 呢個係我無意中喺Cambridge Dictionary入面發現到嘅一個section~ 睇完之後發覺入面嘅資訊幾有用,仲要係免費添~ 大家最常撈亂嘅 advice/ advise, towards/ toward, maybe/ may be等等,佢都一一好詳細咁解釋咗佢地嘅分別。唔想下次writing再用錯字,就要睇吓啦!⁣ ⁣ 2⃣️ Grammarly Blog https://www.grammarly.com/blog/category/handbook/⁣ Grammarly大家可能就用/聽得多,但我都係前排先發現佢有一個blog。入面最有用嘅就係一個叫 ‘Grammar Tips’ 嘅section!呢個section入面分咗5個sub-sections,有講grammar (e.g. interjections),punctuation (e.g. parentheses),mechanics (e.g. capitalisation), techniques (似乎比較啱elit人)同埋style (e.g. parallelism)。⁣ ⁣ 呢兩個完全唔係廣告,係真心推介俾大家嘅,我自己之前都有睇過。因為我見好多人成日都用好多錢買坊間好多嘅英文參考書,但唔知大家知唔知其實網上都有好多高質而免費嘅資源好值得你去發掘同好好咁利用㗎!希望今次嘅分享幫到大家!補充多句,希望大家明白學好英文真係唔係淨係為咗考好DSE、IELTS等等嘅考試,學好英文對你將來都好有用㗎!英文好會有一定嘅優勢!⁣

DSE免費英文學習資源推介⁣ | 學好英文唔一定要補習!