DSE Geog FAQs⁣⁣ 常見問題 | 點操卷?可以放棄幾多課?讀一個elective就夠?

⁣1️⃣ 每part拎幾多分先可以拎到某個level?⁣⁣ 呢條問題真係好多好多人問...但我想講我都畀唔倒一個答案大家😂 個問題係就算我同你講 e.g. 要啱15條MC, 咁你係咪真係控制你考試嘅時候啱咁多條?與其去諗你每part要攞幾多分,不如諗吓自己邊part可以改善做到最好好過啦。反而,我自己覺得參考番overall個cut-off (可以上DSE00到睇) 會實際d~⁣⁣ ⁣⁣ 2️⃣ 我應該操past paper by year定by topic?⁣⁣ 想知詳細操past paper嘅野睇番呢個系列嘅posts。⁣⁣ 回應番條問題,其實無論你係F4/5/6,都應該優先做by-topic嘅past paper! 點解? 對於F4/5黎講,d topics都未學曬,根本就做唔到by-year嘅past paper。而F6都需要清concepts,尤其是for教得比較遲嘅課題/之前一路都冇操開嘅課題。By-year嘅pp應該等到較遲嘅時間先做,目的係為咗睇吓自己時間分配o唔ok。⁣⁣ 順帶一提,我自己整合嘅C3 90CE-19DSE By-topic MC做緊giveaway,有興趣嘅可以睇番我上一個post🤪⁣⁣ ⁣⁣ 3️⃣ DBQ/ Essay應該揀咩topic黎答?⁣⁣ Generally咁講,我會叫大家答phy geog嘅課題 (C1, 2, 5 (一半), 6 (一半), 7),因為phy geog d問題嘅答案比較千篇一律/冇咁大變化,變相你會容易d中marking d字眼。但human geog嘅課題並唔係唔揀得。其實真係好睇嗰年d題目嘅難易度。咁冇理由一條phy geog好難,你都照去答架嘛,做人要識變通架!⁣⁣ ⁣⁣ 4️⃣ 可唔可以放棄溫幾課?⁣⁣ 睇吓你「放棄」嘅定義係咩。如果要選擇完全放棄某幾課,我絕對唔讚同。MC會考曬所有課題,而入面都有好多伏位,考吓你d concepts清唔清。如果你直頭唔溫,咁d MC點?MC嘅比重都唔輕架,考得好隨時救你一命!至於想半放棄某d課題 (e.g. 好多人唔鐘意嘅C3/4),我覺得最多可以放棄2個課題。半放棄嘅意思係你concepts方面完全掌握到,只係唔去記d essay先會用到嘅例子。⁣⁣ 至於electives,我覺得兩課都一定要溫。因為DSE改制之後,dbq 同 essay都可以畀考生揀同一個topic黎答,變相其中一個應該會比另一個難。如果你讀曬兩課,就唔使驚限死自己揀某個課題而失分啦。⁣⁣ ⁣⁣ 5️⃣ 老師教得好差/自己對嗰課elective冇興趣,我應唔應該自修?⁣⁣ 我嘅答案係唔太建議,原因有幾個。第一,你問吓自己係咪真係夠自律?如果唔夠嘅話,咁你會點?補習?第二,會唔會兼顧唔倒其他科?我諗大家本身嘅workload都唔細,再自修埋,我驚大家會chur死。第三,有d課題只係可能人地覺得簡單,但並唔適用喺你身上。例如E2我聽過唔同人對佢嘅評價,由好好到好差都有,咁如果你讀完先發覺嗰課又唔啱自己,咁咪嘥曬d時間?⁣⁣ 不過如果你完全冇以上嘅顧慮+對而家讀緊嘅electives好絕望,你都可以自修嘅💪🏻 只要你自己覺得ok,就ok架啦,相信自己!⁣⁣

DSE Geog FAQs⁣⁣ 常見問題 | 點操卷?可以放棄幾多課?讀一個elective就夠?