DSE Geog Tips 中學文憑試地理奪星貼士

(呢個post係 @hkdsegayau request嘅🤪) Geog喺一科非常值得你投資嘅elective,只要你搵啱溫書嘅方向同方法,我相信你之後溫呢科都可以事半功倍🤩 其實我一路以黎都有喺story/post到分享過好多geog心得,不過就可能比較散,唔夠集中😂為咗方便大家,今次特登再開post詳細同有系統地咁講吓d卷入面每個部分應該點溫🔥!希望可以幫到迷惘中嘅你啦😘 🌟MC 🌟 經過19DSE嘅改革之後,MC嘅數量雖然少咗(減半),但佢係「值錢」咗架!所以,MC呢part大家不容忽略!我自己就係透過操卷 (CE+DSE) + mark低d trap位去溫MC嘅。操卷對於map嗰part黎講係尤其重要架,因為你可以練到你個time management。好多時都聽到d人因為用得太耐時間做map,所以最後尾唔夠時間完成其他部分😢 至於mark低trap位嗰度,係方便你自己日後考試前溫習可以更有系統同埋快捷地溫番佢地,避免自己考試緊張嘅時候再次中伏😂 如果可以嘅話,其實都幾建議大家將呢d伏位merge入去自己份notes,等自己可以睇多幾次,容易d入腦~ 另外呢,我都有整合番MC主要考核嘅範圍,並將佢放咗喺我呢個網站到share畀大家❤️ 如果大家冇咩頭緒嘅話,就去參考吓啦😝 🌟DBQ 🌟 講到DBQ,其實都離不開操卷啦。不過更重要嘅係你要work smart, not work hard!咁即係點?首先,你需要理解番DBQ嘅遊戲規則。話明係data-based,即係你答嘅所有野都應該從source(s)到搵番黎。即使你考試前背咗好多pts,但都唔係全部適用架!大家記住要識轉彎,唔好死記硬背,完全唔識應用。第二,你要整合吓咁多年出現過嘅question words再了解吓作答要求。例如,如果有研究過marking scheme嘅就會知道"discuss whether"喺18DSE轉咗玩法,需要考生清楚寫明自己個stance。又例如"evaluate"係需要大家寫pts for two sides咁。第三,就係要認清答題應有嘅presentation. 換句話講,你嘅答案要marker-friendly, eg 一個pt一段, 每段之間隔一行, 寫topic sentence, 用geog terms... 最後,你都可以透過操卷溫書架!當你對答案嘅時候發現有d pts自從來冇見過,咁你就應該加嗰d落自己份notes到啦?好多時就算d題目唔翻炒,都可能只係改過吓d提問字眼,所以以前marking d答案可能會用得著呢! 順帶一提,大家如果想睇咁多年嘅DBQ trend,都可以上我bio條link到睇,我已經幫大家整合好架啦! 🌟Essay 🌟 Essay應該係最困擾大家嘅😂因為我知好多有take geog嘅都可能係配搭理科/商科。但我可以同大家講,essay都係睇你落唔落得多苦工架姐。咁呢個「苦工」就包括幾樣野嘅。第一,就係要多寫essay。大家真係唔使怕尷尬,如果你寫咗essay就禮貌地出口問老師可唔可以幫你改啦,好多時佢地都唔會say no架。d老師做慣DSE marker,自然就會畀到d有用嘅comments你,令你進步得更快!第二,就係要自己額外搵例子!好多人都誤以為essay係吹水,但其實唔係架。如果想攞高分,就需要用例子去support你嘅論點。但好可惜嘅係d教科書幾乎冇咩提供呢d例子,所以真係要靠自己去搵番一d相關嘅例子番黎啦!而其實例子有分好幾種嘅,例如你可以搵吓d數據呀,又或者搵吓一d事件(eg 某年某月邊到有地震咁)。 仲有呢,其實essay成日都會改少少字眼就翻炒,所以大家都可以留意番個trend架 (我個網站都有提供AL-DSE by-topic essay~)

DSE Geog Tips 中學文憑試地理奪星貼士