Don't let your degree define you! 讀嗰科就一定要做嗰行?

今日想同大家分享一下我自己嘅少少睇法~ 探討吓一個degree究竟應唔應該define你之後嘅路!希望可以俾到少少啟發/ food for thought俾大家💡 讀嗰科就一定要做嗰行? 可能好多人會覺得自己讀咩科就一定代表自己畢業之後做咩,但其實唔係㗎!我覺得大家唔應該俾自己個degree限制咗你自己想做啲咩,因為往往你對一科有興趣又唔代表你對同嗰科相關嘅工作有興趣。我有朋友讀英文最後尾去咗做software developer,另外亦都有follower讀hist但去咗做consulting等等。 從多方面發掘自己嘅興趣 雖則我未grad,但我都喺到都想分享吓我自己嘅經歷,希望啟發到大家。大家都知道我由高中開始就好鍾意geog,所以我而家大學就揀咗讀呢科。但其實早喺我讀大學之前,我都差唔多決定咗我畢業之後唔會做同geog直接相關嘅嘢 (例如教師),而係想做同business相關但又唔需要一個專業嘅嘢。但同時大學一開始嘅時候我都未算好清楚自己對business嘅邊一方面有興趣,所以我主要都係透過上莊同埋take啲management modules去了解多啲自己嘅興趣!我都好建議大家咁做,因為除咗可以了解多啲自己嘅興趣同識多啲人之外,都可以令你CV有啲嘢寫。英國大學讀三年其實時間好短,對我自己嚟講,我覺得咁樣係更加push緊我比同年嘅人要更加努力諗自己未來嘅方向,唔可以再喺到發夢。 自我增值嘅重要性 另外,如果想跳出個框框嘅話我覺得自我增值好重要。你要自己主動學一啲你個degree教唔到你嘅嘢,而嗰啲skills係可以幫到你將來搵一份相關嘅工嘅。以我自己為例,我以前都覺得Adobe啲software好難用,但so far都已經學識晒點用Photoshop、Illustrator同InDesign!所以有心嘅話好多嘢都可以自學! 最後我只係想講,無論你係中學生定係大學生,我覺得唔應該俾任何框框限制咗你自己。雖然過程中唔容易 (我都掙扎緊),但我相信為咗追尋自己想要嘅嘢,咁樣係值得嘅!

Don't let your degree define you! 讀嗰科就一定要做嗰行?