Geogaholic反傳統嘅聖誕假期溫書Schedule | 應該chur定hea?

講明先,呢d係我喺上年dse前個聖誕做咗嘅野。唔係叫大家學我,自己斟酌選用啦😂 1. 唔好太夜瞓+自然醒💤 好理想嘅話當然就係早睡早起啦😂 但讀中學時期嘅大家喺放聖誕假之前其實都已經chur到半死,好應該喺聖誕補一補眠同充吓電😌 YOU DESERVE A BREAK! 咁所以嗰時我就係喺凌晨十二點前瞓嘅~然後就喺大約9-11點自然醒🤭 個人覺得瞓多嗰一兩個鐘唔會影響自己溫書個progress。溫書呢d野一向都係質>量。我寧願我頭腦清醒d,然後溫d野都入腦d,好過我喺半醒半睡嘅狀態下溫書🙈 仲有就係瞓得足嘅話病嘅機會應該細d!病咗嘅話你會真係好unproductive😭 2. 繼續打notes 我係冇notes就溫唔倒書嗰type嘅人黎嘅😂 咁因為嗰時學校都未教曬書,所以我d notes都自然未打曬。我唔會覺得打notes係嘥時間,反而會覺得長遠黎講有份notes喺手係節省咗你嘅時間!而且我自己亦都會當打notes係一個溫書嘅過程,因為你要透過理解先可以打倒一份精簡+ dse-oriented嘅notes! 3. 冇報任何mock 我知嗰時差唔多我身邊個個同學都去報,但我完全就無視咗lol😂 我覺得mock對我自己嘅作用唔大,始終坊間唔同嘅mock質素參差,我唔想浪費我d時間同金錢喺一d我唔值得投資嘅野身上🙈 我自己就寧願真係擺多d時間操pp (+真係再深入了解吓出題嘅玩法/伏位)同溫書~

Geogaholic反傳統嘅聖誕假期溫書Schedule | 應該chur定hea?