HKU Geog/ Urban Governance JS6717 超詳細分享 | Major/minor配搭?讀human定physical geog?出路?

知道大家都想再知多啲關於 HKU Geog/Urban Governance嘅資訊,所以就邀請咗 @baetutorr 解答大家喺我story到留低嘅問題~好多謝佢答得咁詳細,希望幫到大家! 課程結構 問:Major/minor配搭?GPA幾高先可以declare geog做major? 答:其實HKU soc sci嘅major minor嘅配搭都好有彈性,declare geog或者其他科係冇GPA requirement㗎!基本上你只要符合到declare major同minor嘅最低學分要求就可以㗎啦!而通常個配搭會係: 1 major + free elective/ 1 major + 1 minor + free elective/ 2 major + free electives/ 1 major + 2 minor + free elective。唔同配搭嘅分別就在於free elective嘅多少啦。而就算你個2nd major/ minor係跨faculty都可以 e.g. Geog + Korean。不過當然都有啲專科係未必俾你咁做㗎,e.g. Accounting,所以你哋規劃嗰陣要留意清楚呀! 課程內容 問:HKU geog同urban governance分別主要會讀啲咩topic?以human定phy geog為主?定係兩方面提供嘅course都幾平均可以自己揀?有冇同DSE Geog C1 (tectonics)/ E1 (dynamic earth) 相關嘅內容? 答:Geog course入面雖然冇officially 細分咗做human同phy geog,但兩種都有得揀嘅。你可以專攻一種,又或者兩種溝埋嚟讀都得。Human嘅話就有Tourism, Leisure and Recreation, Population Geography, Political Geography, Economic Geography, Financial Geography等等。而Phy就有主要都係講番ecosystem嘅嘢 - atmosphere, hydrosphere, lithosphere都有嘅。不過如果係想好深入讀ecosystem,尤其想係從科學角度去學,比較建議BSc嘅ecology & biodiversity!想讀多啲關於DSE geog C1 + C2 (sedimentary rock) + E1嘅,geology就會比較適合! Urban Governance就係讀從地理角度去講urban planning。首先intro course會教啲basic concept同 principle,之後嘅advanced course會用到香港做case study去學點樣有效規劃城市。而今年department新嚟咗一個韓國lecturer,所以有個course係用South Korea做例子。同埋佢有分三個stream: Urban planning and Transport Management/ Sustainability and Development/ Urban Economy and Society,你哋可以specialise 一個theme 或者溝埋嚟讀都得 。 兩科都有個好特別嘅嘢就係有一個method-related course會強烈建議要take嘅,入面有GIS/ Research design/ field methods/ spatial analysis etc…可以揀。個人認為GIS最有用,真係有啲geog-related嘅工會要求你識GIS TT 要有咩心理準備? 問:高中冇讀Geog會唔會好難適應? 答:唔會呀,HKU geog出名hea到爆炸又靚grade。好多其他唔係讀geog嘅人都會揀geog intro course 做free elective,或者甚至因為易讀而揀geog做minor。呢個情況喺bba好常見!證明其實geog唔難讀,不過讀唔讀得精又係另一回事 !有geog底會容易識得點樣用geog角度去分析一件事,但冇嘅就好容易會變咗用通識角度去分析,亦即係講咗啲冇讀geog嘅人都答到嘅答案! 問:高中用中文讀Geog會唔會好難適應? 答:我自己就英文好廢之餘,中學都係用中文讀geog,但我覺得完全應付到!! 因為其實啲lecture上嘅英文都唔係好難,而且geog course冇tutorial,所以都唔洗點用英文講嘢 :P 問:要睇好多readings? 答:唔會呀,reading比較多係supplementary,冇睇A-/A,睇咗A/A+ :P 教學模式 問:多唔多field trip?有冇海外field trip? 答:比起geology就冇話好多,我自己去過嘅field trip都係同urban planning/ sustainable development 有關。 海外field trip係其中一個可以揀嘅capstone嚟!今年好似有南韓/意大利/英國同澳洲揀! 考核模式 問:以coursework定exam為主? 答:通常個ratio都會係5:5/ 6:4/ 4:6。 收生/成績要求 想揀geography就揀番HKU Bachelor of Social Sciences,收生Best 5 25分左右。 Exchange Soc sci入面有樣叫Global Citizen嘅嘢,要求學生要喺grad之前去一次境外exchange/ internship。而exchange方面可以報HKUWW/ Faculty-level嘅exchange。HKUWW入面嘅國家就多啲,近至中國遠至非洲都有。 出路 問:讀HKU Geog嘅「錢途」? 答:Geog其實都算係「乞食科」一種,佢唔似專科咁specialise咗你個career path,所以啲人會話好難搵到工。不過正面啲睇就係你嘅career path都會好flexible,好多人讀完geog會去讀pgde做老師,亦都有人會去做marketing,亦都有人會讀master再讀番啲專科 e.g. urban planning。有啲人甚至去做freelance,所以其實都好睇你點去規劃嘅 :p

HKU Geog/ Urban Governance JS6717 超詳細分享 | Major/minor配搭?讀human定physical geog?出路?