Study Leave/平時溫DSE可以去邊吃飯?溫書熱點大比拼

屋企 VS Coffee shop VS 自修室 VS 學校圖書館 上面呢d地點各有各好,下面就幫大家比較一吓佢地啦😆 1️⃣寧靜程度 ►屋企: 睇吓你有冇兄弟姊妹/屋企附近嘅環境啦。有時撞啱屋企樓上樓下有裝修就真係非常擾民🤯 不過如果冇咩特別野嘅話,屋企其實係幾好嘅🤭 ►Coffee shop: 視乎你去邊間啦。不過普遍黎講d連鎖嘅咖啡店☕都唔會超級靜。遇正隔離台講野好大聲就仲慘🤦🏼‍♀️ 如果想去嘅話,揀d非rush hours去啦,例如weekends嘅朝頭早。 ►自修室: 自修室有分三種嘅- (1) 公共圖書館自修室;(2) 出面付費嘅自修室;(3) 屋企會所嘅自修室。圖書館嗰d其實我一次都冇試過😂 但圖書館應該都唔會嘈得去邊嘅🤔 至於畀錢嗰d我就去過一次。嗰次仲要係book咗間房,但嗰間嘅隔音做得好差,所以我諗都視乎你去邊間嘅。搵啱嘅話就應該好嘅🤪 ►學校圖書館: 我低form嘅時候差唔多次次放學都留喺學校個圖書館到做功課同溫書。因為有個盤一齊都幾有動力做野架🤭 而且,個環境都好靜,因為我學校唔算多人會留喺圖書館,而且學校又唔準我地用電話~ 2️⃣方便程度 ►屋企: 始終點樣其實你都要番屋企。番到屋企又可以食少少snacks,又有無線Wifi可以畀你上網搵額外資料溫書。足不出戶就可以溫倒書~ ►Coffee shop: 去連鎖嗰d就一定要畀錢買野飲或者野食。而且有dWifi好似唔係無線,有時又坐唔倒一d可以畀你差電腦嘅位。但如果屋企附近有,間唔中去一去都無妨嘅。 ►自修室: 我屋企附近就冇圖書館嘅自修室/付費嘅自修室。如果要我搭車出去嘅話,我覺得比較費時🤔 圖書館嘅自修室有一個好處係可以畀你睇/借埋書,如果要趕閱書報告嘅時候去會係一個幾好嘅選擇,仲可以慳番買書嘅錢呢😂 吖,仲可以拎d past paper黎參考添!而大部分付費嘅自修室都畀你無限食佢d小食同飲佢d野,所以都可以一試嘅。有d仲可以畀你book間房,方便你同同學練吓oral/sba/溫書。 ►學校圖書館: 我覺得佢唯一唔方便嘅地方就係好早閂。我諗大部分學校嘅圖書館最多開到6點幾🤔 所以你放學溫咗2個幾鐘就要轉場啦!而你6點幾走就撞正人地放工嘅時間,要喺車廂到同人迫🤦🏼‍♀️ 不過,佢方便嘅地方就係入面會有各科嘅參考書同past paper畀你使用~同埋一放學就可以去倒🤪 👉🏻結論: 最靜嘅地方應該最令人專心倒,而最方便嘅地方就可以節省你嘅時間/金錢。所以,一個最靜+最方便嘅地方應該係你嘅首選!

Study Leave/平時溫DSE可以去邊吃飯?溫書熱點大比拼