UCAS 2021 Entry 英國大學聯招懶人包 | 內含IELTS + Personal Statement資訊同貼士 | 有意去英國升學嘅2021/22 DSErs必睇!

今次我整咗個UCAS 懶人包俾大家,整合咗我以前講過嘅嘢同加咗啲新嘅資料。希望幫到有意去英國升學嘅DSErs,因為我都知道大部分local schools俾學生嘅升學support同資源真係好有限😭。覺得有用嘅話記住share俾身邊嘅同學仔呀❤️~⁣⁣ Btw,UCAS 2020 (今屆entry) Clearing仍然開放中,入面都有唔錯嘅大學可以俾你揀,e.g. Manchester, Nottingham, Sheffield。而家仲想過英國讀書嘅都仲有機會!上完UCAS個網到睇啲Clearing vacancies,睇啱一間大學嘅course之後,記住打電話/Email間院校先! 1. Timeline 2. 申請程序 如果英國升學係你嘅first priority,建議你F5升F6個暑假就開始準備。 如果唔打算報讀Oxbridge/當英國升學係backup,都可以中六開學之後再搞 去Ucas.com到跟住啲步驟開個account就可以。如果學校係UCAS centre, 要問佢拎個buzzword將自己個UCAS account link去學校到。 臨近UCAS deadline嘅時候,建議你畀咗嗰£26手續費先,然後press submit先!因為你之後可以叫負責個老師release返個account俾你繼續改嘢。真正嘅submit應該係由學校去幫你搞嘅~ 3. 點揀嗰5間大學? 同JUPAS唔同,UCAS唔需要你去排choices~ 你就咁揀5間大學就可以(注意:想讀medic嘅最多可以報4間medic schools,剩低嗰個option可以用嚟報啲medic-related嘅科,e.g. biochemistry/唔關事嘅科/漏空佢) 我會建議揀1-2間比較勁嘅大學 (Oxbridge, G5),然後報讀2間穩陣嘅,最後一間就報一間你點都入到嘅~ 揀大學可以考慮以下5個因素: 1. 興趣 去英國留學要花費嘅錢唔少,我覺得讀一個自己鍾意嘅degree先會值回票價~ 2. 課程內容 同一個degree唔同大學都會有唔同focus,建議大家睇吓要讀啲咩compulsory同optional modules先! 3. 排名 排名應該睇2種:(1) 嗰間大學喺你讀嗰科嘅全球排名, (2) 嗰間大學喺全球嘅overall排名,但個人覺得(1)重要啲。 通常喺(2)排名高嘅都係一啲有提供science subjects嘅大學,因為嗰啲會出產較多諾貝爾得獎主、論文數量等等(呢啲係大學排名會考慮嘅因素),所以(2)當係一個參考就可以。 另外,如果你睇(1)嘅時候,發現間大學喺幾個source (e.g. QS, TIMES higher education, Guardian...)都低過啲香港大學嘅排名,我覺得就應該斟酌一下啦。如果你話英國升學係backup嘅話,就可以照擺入去你嘅choice到嘅。 4. 聲譽 如果打算回港工作,就需要考慮吓間院校喺香港僱主嘅認受性。呢點某程度上都同排名係掛鈎嘅。 建議大家可以問吓返緊工嘅屋企人,叫佢地問返做嗰行嘅人~ 5. 學習/生活環境 唔係個個都鍾意喺London到讀書,因為啲campus比較分散同埋物價都比其他地方貴~ 其他城市可能更加適合你。 就算你想喺London到讀書,每間大學都有唔同嘅vibe~ 4. 邊到可以搵到更多英國大學嘅資訊? 1. The Student Room 呢個有啲似香港嗰啲學術討論區~ 佢會有啲topics係XX uni VS xx uni或者關於一間大學嘅某個學系,兩個都可以俾你認識間大學多啲。 2. YouTube 有好多Youtubers都會拍吓自己喺英國讀大學嘅生活㗎,睇吓嗰啲片都可以俾你從另一個角度去了解間大學 (e.g. Anpu- UCL Geog)。 另外,好多大學都會拍啲片叫讀緊嘅學生分享吓自己個student life (e.g. LSE)。 3. UCAS.com UCAS會提供各類嘅實用資訊,例如personal statement tips~ 4. British Council/ 教育展 British Council有提供好多去英國留學嘅資訊~ 如果真係想深入啲認識某啲院校,可以去佢每年大概1月都會搞嘅教育展到。 5. 去啲升學agents嘅免費講座 大家不妨去聽一聽佢地搞嘅講座,因為佢地同唔同院校可能有啲connections,可能請倒一d相關嘅人士同你分享關於英國升學啲嘢。 5. IELTS 應該考IELTS for UKVI (Academic) 有正常考試模式或者電腦模式 (得IDP有提供) 建議S5升S6個暑假就去考/ 拎咗大學嘅offer之後先考。(注意:並唔係越早考就越好,因為IELTS只係喺考試之日起兩年內有效) 我嗰時經British Council報,考一次要大約$2200。 有啲大學可以俾你用其他成績 (e.g. DSE Eng)取替IELTS成績 6. Personal Statement Max. 4000 characters (注意:Characters包括埋啲空格、標點等等。上網啲word count都有啲唔準,建議放落UCAS個application入面check) 寫你對與學科相關嘅書/事物/議題嘅睇法同埋個人經驗表現出自己對嗰科嘅熱情/自己具備相應嘅skills。 ECA應該佔全篇大約10%-20%,不宜太多(尤其是唔相關嘅ECA)。 由於你篇Personal statement係會俾晒5間你所選嘅大學睇,所以你揀嘅科應該相類似。 7. Reference Letter 由一位老師幫你寫。 嗰位老師最好係關你想喺大學讀嗰科事同埋係幾熟你。 如果你好奇老師寫咗咩同埋學校submit咗咩predicted grades俾你,你其實可以喺submit咗之後打電話去英國UCAS嗰邊叫佢send返俾你睇 (有法例保障咗你嘅權利去access你啲個人資料,包括ref letter在內) 8. Offers 有分2種,分別係conditional同unconditional。 一般人會收到conditional offer,佢個offer入面會寫明你要喺DSE同IELTS到拎到啲咩成績 (大部分大學對中文同LS嘅要求都好低)。 Unconditional offer好少人會拎到。拎到嗰啲通常係喺考DSE前一年就已經考咗英國大學認可嘅其他公開試,e.g. IAL,而又達到大學嘅要求。

UCAS 2021 Entry 英國大學聯招懶人包 | 內含IELTS + Personal Statement資訊同貼士 | 有意去英國升學嘅2021/22 DSErs必睇!